Книга Бытие Cтих 22 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Якъуб ёлун узата ва гюнтувуш халкъланы топурагъына етише.

О авлакъда къую ва ону ягъында уьч къой сирив гёре. Шо къуюдан сиривлени ичире болгъанлар, амма къуюну уьстю уллу таш салынып ябылгъан болгъан.

Бары да сиривлер жыйылгъанда, къойчулар шо ташны йылышдырып, къойлагъа сув ичирип, сонг къайтарып къуюну башын яба болгъанлар.

– Сиз къайдансыз, къардашлар? – деп сорай Якъуб къойчулагъа. – Гьарранданбыз, – деп жавап бере олар.

– Нагьорну уланыны уланы Лабанны таныймысыз? – деп сорай Якъуб. – Таныйбыз, – деп жавап бере олар.

– Нечикдир ону кюйлери? – деп сорай Якъуб. – Яман тюгюл, яхшы. Гьона, ону къызы Рагьил де сиривлери де булан геле тура, – деп жавап бере олар.

– Гюн артгъынча гьали де узакъ заман бар, сиривлени жыйма заман болмагъан. Сиривлени де ичирип, оланы отлавлукъгъа гьайдагъыз, – дей Якъуб къойчулагъа.

– Бары да сиривлер жыйылмай туруп болмайбыз. Шо заман къуюдан ташны йылышдыражакъ, биз де къойланы ичирежекбиз, – деп жавап бере олар.

Булар сёйлеп турагъанда, Рагьил атасыны сиривлерине ювукълаша. О къойчу къыз болгъан.

Сиривлери де булан ону гелегенин гёрюп, Якъуб къуюгъа барып йиберип, ташны йылышдыра ва сиривлени ичире.

Сонг о Рагьилни де оьбюп, къычырып йылап йибере.

Къызгъа оьзю ону атасыны къызардашы Ребеканы уланы экенни айтып бере. Чабып барып, Рагьил бу хабарны атасына айта.

Оьзлеге къызардашыны уланы Якъуб гелегенни эшитип, Лабан къонакъны алдына чабып чыгъа, ону къучакълап, оьбюп, уьюне элте. Якъуб огъар оьзюню гьакъында хабарлай.

Лабан буса: – Гертилей де, сен мени къардашымсан, къаным-жанымсан! – дей. Якъуб Лабанны уьюнде яшайгъанлы бир ай оьте.

Сонг Лабан огъар: – Мени къардашым болгъан сонг, магъа гьавайын ишлеп турармысан дагъы? Нечик гьакъ тёлегенимни сюегенингни айт? – дей.

Лабанны эки къызы болгъан, уллусуну аты Лия, гиччисиники Рагьил болгъан.

Лияны къуймур гёзлери болгъан, Рагьилни буса бети де, бою-сою да исбайы болгъан.

Якъуб Рагьилни сююп къала ва Лабангъа: – Сен магъа гиччи къызынг Рагьилни къатын этип бережекге мен сагъа етти йыл ишлежекмен, – дей.

– Яхшы. Ят адамгъа эрге баргъынча, сагъа барсын. Яша бизде, – дей Лабан.

Рагьил саялы Якъуб огъар етти йыл ишлей, тек шо етти йыл огъар бир нече гюн йимик гёрюне – шонча да бек сюе болгъан ону.

Артда да о Лабангъа: – Магъа Рагьилни къатын этип бер. Болжал етишди, гьали энни огъар меники болма заман болду, – дей.

Шо заман бары да хоншуларын да чакъырып, Лабан той эте.

Параллельные места

От Иоанна 2:1

От Иоанна 2:2

Уьч гюнден сонг Галилеяны Кана деген юртунда бир той бола. Шонда Исаны анасы да болгъан. Иса булан Ону якъчылары да шо тойгъа чакъырылгъан болгъан.

Къашкъаралгъанда, о Якъубну къырыйына Рагьилни орнуна Лияны гелтирип къоя. Якъуб да ону булан ювукълукъ эте.

(Лабан Лиягъа къуллукъчу этип оьзюню къаравашы Зилпаны бере.)

Эртен болгъанда, Якъуб къарай – алдында Лия! – Недир сен магъа этгенинг? Рагьил саялы тюгюлмю эди мен сагъа ишлегеним? Сен мени неге алдатдынг? – дей Якъуб Лабангъа.

– Бизин якъларда уллу къызын къоюп, гиччисин береген адат ёкъ.

Муна шу тойну жумасы битсин, биз сагъа гиччисин де бережекбиз. Тек шо саялы сен магъа дагъы да етти йыл ишлежексен, – деп жавап бере Лабан.

Якъуб рази болуп къала. Той жумасы битген сонг, Лабан огъар гиччи къызы Рагьилни бере.

(Лабан Рагьилге къуллукъчу этип оьзюню къаравашы Валланы бере.)

Якъуб Рагьил булан ювукълукъ эте. Ону Лиядан кёп сюе. Рагьил саялы о Лабангъа дагъы да етти йыл ишлей.

Якъуб Лияны сюймейгенни гёрюп, Раббибиз ону яш табып болагъан эте. Рагьил буса яш табып болмай.

Айлы болуп, Лия яш таба ва огъар Рубим деп къоя. – Раббим мени къайгъымны гёрдю. Гьали энни чи эрим мени сюежек, – дей Лия.

Сонг къайтып айлы болуп, бирдагъы улан таба. – Эрим мени сюймейгенни Раббим эшитди, магъа бирдагъы улан берди! – дей о. Уланына о Симон деп къоя.

Сонг къайтып айлы болуп, дагъы да улан таба. – Гьали энни чи эрим магъа исинежек. Мен огъар уьч улан тапдым чы! – дей о. Уланына о Левий деп къоя.

Бирдагъы керен айлы бола ва къайтып улан таба. – Гьали Раббиме макътавлар этейим! – дей о ва уланына Ягьуда деп къоя. Шондан сонг о бир гесекге яш тапмайгъан болуп къала.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода