Аллагь ят халкъланы оьзлени иманына гёре къабул этежеги Сыйлы Язывларда алданокъ билдирилген. Шогъар гёре Аллагь Ибрагьимге: «Бары да халкълагъа Аллагь сенден таба берекет берер», – деп ваъда этген.
Ибрагьимге ва ону авлетине берилген ваъдалар булан да лап шолай болду. Тергев этигиз чи, Сыйлы Язывларда «авлетлерине» деп айтылмагъан, «авлетине» деп айтылгъан. «Авлети» буса Месигьдир.
Сиз пайхаммарланы наслусусуз ва Аллагьны ата-бабаларыгъыз булангъы разилешивню варислерисиз. Аллагь Ибрагьимге булай деген: «Сени наслунгдан таба ер юзюндеги бары да инсанлагъа Аллагь рагьмулу болажакъ».
Сени шабагьатлагъанны Мен де шабагьатлажакъман! Сени налатлагъанны Мен де налатлажакъман! Дюньяны бары да халкъларына сенден таба шабагьат болажакъ!
Оьзюню авлетлерине ва наслуларына Аллагьны ёлунда, демек адилли ва тюз кюйде юрюмекни буюрсун деп, Мен Ибрагьимни сайладым. Шоллукъда Мен, Рабби, огъар этген ваъдамны кютежекмен.
Эртенине Ибрагьим эшегин де ерлеп, оьзю булан эки къуллукъчусун ва Исгьакъны да ала. О яллатып къурбан этмек учун агъач да гесип, Аллагь айтгъан ерге багъып ёл чыгъа.
Ибрагьим Магъа таби болгъаны, бары да буйрукъларымны, уьйретивлеримни кютгени саялы, Мен олагъа шабагьат этежекмен.