Мен сени наслунгну денгиз ягъадагъы къайыр бюртюклени санавудай кёп этежекмен. Къайыр бюртюклени санама бажарылмайгъанда йимик, шолай сени наслуларынгны да санама бажарылмажакъ.
Ибрайимни чатырдан къыргъа чыгъарып, Раббибиз огъар: – Кёкге къара, юлдузланы бир санап къара: шоланы санап боламысан? Сени наслуларынг да шончакъы болажакъ! – дей.
Сен чи магъа яхшылыкъ этежегинге ваъда этген эдинг. Сен магъа наслуларым денгиздеги къайыр бюртюклени санавудай кёп болажакъ деп ваъда этген эдинг!
Ребеканы булай деп шабагьатлайлар: – Къызардашым, сени наслуларынг мингден де, он мингден де артыкъ болсун! Сени авлетлерингни алдында душманланы къапулары дагъылып къалсын!
Мен сагъа кёкдеги юлдузланы санаву чакъы кёп наслулар бережекмен. Олагъа бары да шу топуракъланы бережекмен. Сени наслуларынгдан таба дюньяны бары да халкъларына шабагьат этилежек.
«Мен гертилей де сагъа яхшылыкъ гёрсетежекмен ва кёп наслулар бережекмен», – деп айтды О.