Книга Бытие Cтих 3 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Раббибиз буса, Оьзю ваъда этген кюйде, Сараны эсине ала ва ваъдасын кюте.

Сара айлы бола ва Аллагь токъташдыргъан болжалда къарт болуп турагъан Ибрагьимге улан таба.

Сарадан янгы тувгъан уланына Ибрагьим Исгьакъ деп къоя.

Параллельные места

Бытие 17:19

– Къатынынг Сара улан табажакъ, сен огъар Исгьакъ деп къояжакъсан. Мен ону ва ону наслулары булан даимлик разилешив бегетежекмен.

Сегизинчи гюн, Аллагь оьзюне буюргъан кюйде, огъар сюннет эте.

Исгьакъ тувгъан заманда Ибрагьимге юз йыл бола болгъан.

Сара булай дей: – Аллагь мени къуванчлы гьалгъа салып къойду. Бу затны гьакъында эшитген гьар ким мени булан бирче къуванып туражакъ.

Ибрагьимге Сара кёкюрегинден яш ичирежек деп ким айтар эди? Амма муна къарт чагъында менден огъар улан болду!

Яш торая. О эмчекден айрылгъан гюн Ибрагьим уллу той эте.

Ибрагьимни мисрили Гьажардан болгъан уланы Исгьакъ булан ойнайгъанны гёрюп,

Сара Ибрагьимге: – Уланы да булан къаравашны къувалап чыгъар! Неге тюгюл де, къаравашны уланы азат къатынны уланы булан бирче бир заманда да варисликге ортакъ чы болуп болмас, – дей.

Ибрагьимге оьзюню уланыны гьакъында шо сёзлени эшитме авур бола.

Амма Аллагь огъар булай дей: – Уланынгны ва къаравашны гьакъында къайгъырма. Сагъа Сара айтагъан кюйде эт, неге тюгюл сени наслунг Исгьакъдан таба узатылажакъ.

Амма къаравашны уланындан да Мен бир халкъны амалгъа гелтирежекмен. О да сени баланг чы.

Эртенине Ибрагьим Гьажаргъа аш ва тулукъ булан сув да берип, шоланы ону инбашына да салып, ону яшы да булан чыгъарып йибере. Гьажар гете ва Бер-Шеба дангылында айлана къала.

Тулукъдагъы сув битгенде, Гьажар яшны уьлкю тюпде къоя.

Яшны оьлегенин гёрмес учун, юз абат чакъы ариге де тайып, олтуруп, йылап йибере.

Тек Аллагь яш йылайгъанны эшите ва Аллагьны малайиги кёклерден Гьажаргъа булай дей: – Не болгъан сагъа, Гьажар? Къоркъма! Сен къойгъан яшынгны йылайгъанын Аллагь эшитди.

Тур, яшны янына бар, къолунга алып, ону рагьатландыр! Мен ондан уллу халкъ болдуражакъман.

Аллагь Гьажарны гёзлерин ача, о да къую гёре. Ювукъ барып, о тулукъну толтура ва яшгъа ичире.

Яш торая, Аллагь да ону булан болуп тура. О Паран дангылында яшай ва яхшы окъчу бола. Анасы огъар Мисриден къатын гелтире.

Яш торая, Аллагь да ону булан болуп тура. О Паран дангылында яшай ва яхшы окъчу бола. Анасы огъар Мисриден къатын гелтире.

Шо вакъти Авимелегь, янында асгербашы Пигьол да булан гелип, Ибрагьимге булай дей: – Сен не эте бусанг да, сагъа Аллагь кёмек эте.

Магъа, мени яшларыма, яшларымны яшларына хыянатлыкъ этмежекге Аллагьны аты булан ант эт. Мен сени булан нечик рагьмулу болгъан бусам, сен де магъа ва сени сыйындыргъан элге шолай рагьмулу болажакъгъа ант эт!

Ибрагьим де ант эте.

Шо заман Ибрагьим Авимелегьни адамлары оьзюню къуюсун чыгъарып алгъангъа кант эте.

– Мен шону ким этгенни билмеймен. Сен магъа бир зат да айтмагъан эдинг. Мен шону гьакъында эшитегеним биринчилей, – деп жавап бере Авимелегь.

Ибрагьим Авимелегьге къойлар ва сыйырлар берип, ону булан разилешив бегете.

О башгъаларындан айырып етти къойну сала.

Авимелегь огъар: – Бу етти къойну, буланы неге айырып салгъансан? – деп сорай.

– Менден бу къойланы къабул эт. Мен бу къуюну къазгъанлыкъгъа шагьатлыкъ болуп токътажакъ шо, – дей Ибрагьим.

Шо ерге Бер-Шеба деп айтыла, неге тюгюл олар шонда бир-бирине ант этгенлер.

Бер-Шебада Ибрагьим булан разилешив бегетип, Авимелегь ва ону асгербашы Пигьол филистим топурагъына къайталар.

Ибрагьим Бер-Шебада тамариск терек орната ва Раббибизни, гьар даим де Бар болгъан Аллагьны атын тутуп сёйлей.

Ондан сонг Ибрагьим филистим топурагъында дагъы да узакъ заман яшай.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода