Книга Бытие Cтих 3 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Ахшам болгъанда, Содомгъа эки малайик геле. Лут шагьарны къапуларыны алдында олтуруп тура болгъан. Малайиклени гёрюп, Лут оланы къаршылама чыгъа ва алдында ерге къапланып ята.

О булай дей: – Бийлерим, сизин къулугъуз болгъан мени уьюме гелигиз. Бизде гече къаларсыз, аякъларыгъызны жуварсыз, эртенинде буса ёлугъузну узатарсыз. – Ёкъ. Биз гече майданда къалайыкъ, – дей олар.

Амма Лут олагъа шолай бек тилей чи, олар рази болуп къалалар. Лут оланы уьюне гелтире, ахшамгъы ашны гьазирлей, чапелеклер бишире ва олар ашай.

Параллельные места

Бытие 18:8

Ибрагьим оьзю къонакълагъа къаймакъ, сют, бузав эт бере. Олар ашап турагъан заманны ичинде о оланы къырыйында, терек тюпде эретуруп тура.

Олар ятып да битгинче, шагьарда яшайгъанлар – Содомну бары да эргишилери, яшы-уллусу булан – Лутну уьюн дёрт де ягъындан аралап алалар.

Олар Лутгъа булай къычыралар: – Къайда сагъа гече къалма гелгенлер? Чыгъар оланы мунда, биз олагъа ювукълукъ этейик чи!

Лут, посагъагъа чыгъып, арты булан эшикни яба

ва булай дей: – Къардашлар, тилеймен сизге, яман затны этмегиз!

Мени гьали де санына эргиши тиймеген эки къызым бар. Оланы берейим сизге, не сюйсегиз этигиз олагъа, тек мени ожагъыма гелгенлени къоюгъуз.

– Ёкъ бол гьали шундан! Сен гелгинчисен, сен къалгъанмысан мунда буйрукъ этме? Гьали сагъа ондан да бетерин этербиз! – дейлер огъар. Олар ону уьстюне басып гелип, эшикни бузуп ачма айлана.

Тек Лутну къонакълары ону тартып, къайтарып уьйге гийирип, эшикни де бегителер.

Эшик алда эретургъанланы барын да буса, уллусу-гиччиси булан, сокъур этип къоялар. Олар нечакъы излеп айланса да, эшикни табып болмайлар.

Къонакълар Лутгъа: – Бу шагьарда дагъы да киминг бар? Уланларынг, къызларынг, гиевлеринг, дагъы оьзге адамларынг бармы? Барын да чыгъар мундан,

неге тюгюл биз бу шагьарны дагъытажакъбыз! Раббибиз Содомда яшайгъанлагъа къаршы бакъдырылгъан бек гючлю айыплавланы эшитди. О бизин муну дагъытма йиберди! – дейлер.

Лут барып къызларыны гелешмишлерине: – Тез бу шагьардан гетигиз! Раббибиз гьали муну дагъытажакъ, – дей. Олар буса Лут масхара этедир деп къоялар.

Танг билинип гелегенде, малайиклер Лутну: – Тез бол, къатынынгны да, эки де къызынгны да алып гет! Ёгъесе, гюнагьлы шагьар булан бирге оьзюнг де оьлежексен! – деп алгъасатма башлайлар.

Лут буса аста айлана болгъан. Шо заман малайиклер, Лутну, ону къатыныны ва эки де къызыны къолларындан тутуп, оланы шагьардан чыгъаралар, неге тюгюл Раббибиз Лутгъа языкъсына.

Чыкъгъанда, малайик Лутгъа булай дей: – Къачып къутул, артынга бурулуп къарама! Къолда да узакъ токътамай, тавлагъа багъып къач, ёгъесе оьлежексен!

– Ёкъ, мени Есим!

Сени къулунг болгъан магъа нече де рагьмулусан! Сени магъа бакъгъан якъдагъы рагьмунг зор уллу: сен мени оьлюмден къутгъардынг! Тек тавлагъа ерли мен чабып етишип болмасман – балагь артымдан етишер, мен де оьлюп къаларман.

Къара, бираз ариде бир гиччирек шагьар бар. Шо чу бир гиччирек шагьар, магъа шонда багъып къачма изну бер. Шонда чабып етишип, мен къутгъарылажакъман, – деп жавап бере Лут.

– Яхшы. Шону да этежекмен сени хатирингден. Сен айтагъан шагьарны мен сакълажакъман.

Тек тез чабып йибер шонда. Неге тюгюл, сен шонда етишмей туруп, мен башлап болмайман, – дей малайик. (Шо саялы да шо шагьаргъа Соар деп айтыла.)

Лут Соаргъа гелгенде, гюнеш гётерилме башлай.

Содомгъа ва Гьоморагъа Раббибиз кёклерден таба яллайгъан кюкюртню явдуруп йибере.

Раббибиз эки де шагьарны, къолну, онда яшайгъанланы барын да ва топуракъда оьсеген бары да затны дагъытып къоя.

Амма Лутну къатыны артына бурулуп къарай ва туз багъанагъа айланып къала.

Эртен тез Ибрагьим алдындагъы гюн оьзю Раббибизни алдында токътагъан ерге геле.

Содомгъа, Гьоморагъа, къолгъа къараса – топуракъдан отбашдан йимик тютюн гётерилип тура.

Къолдагъы шагьарланы дагъыта туруп, Аллагь Ибрагьимни эсге ала. Лут яшагъан шагьарланы дагъытса да, Аллагь Лутну оьлюмден къутгъара.

Эки де къызын да алып, Лут Соардан тавлагъа чыгъып гете, неге тюгюл о Соарда къалмагъа къоркъа. Олар бир анакъда ерлеше.

Уллу къызы гиччисине булай дей: – Бизин атабыз къарт. Бу бютюн уьлкеде бизден яш болагъан кюйде бизин къатын этип алардай бир эргиши де ёкъ.

Атабызгъа чагъыр ичирип, ону булан ятайыкъ. Атабыздан таба тухумубузну, сёнме къоймай, узатайыкъ!

Гече олар атасын чагъыр булан эсиртелер. Уллу къызы атасыны къырыйына гелип, ону булан ята. О буса бир затны да – къызы оьзю булан не ятгъанны, не гетгенни – билмей къала.

Артындагъы гюн уллусу гиччиси къызардашына: – Гетген гече атабыз булан мен ятдым. Бу гече де ону ичирейик, сен гелип, ону булан ятарсан. Атабыздан таба тухумубузну, сёнме къоймай, узатайыкъ! – дей.

Олар гече янгыдан атасын чагъыр берип эсиртелер. Гиччи къызы гелип, атасы булан ята. О буса бир затны да – къызы оьзю булан не ятгъанны, не гетгенни – билмей къала.

Шолай Лутну эки де къызы оьз атасындан айлы болалар.

Уллусу улан таба ва огъар Моав деп къоя. О гьалиги моавлуланы ата-бабасы.

Гиччиси де улан таба ва огъар Бен-Амми деп къоя. О гьалиги аммонлуланы ата-бабасы.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода