Хьуна эзар шо селханлера де санна ду, буьйсанна ларйина хан санна ду.
Ахь, дІадаьлла гІан санна, дІахьо адамаш. Уьш Іуьйранна хьалаяьлла буц санна ду. Буц Іуьйранна, хаз а лой, сенло, ткъа сарахь, маргІал а юлий, якъало.
Адамийн денош а, тІеяьлла йолу буц санна, доца ду. Аренгахь кхуьу зезаг санна, кхуьу адамаш а.
Схьаяккхале якъалуш йолу тхов тІера буц санна хуьлда уьш.
Цу гІаланийн бахархой ницкъ а байна хилла, кхерамна бега а беш, царна тІе эхь деана. Арара буц я экам зІийдагаш санна бу уьш. Тхов тІехь хьалабаьлла бай санна бу уьш, кхиале берриг а марца а мерцина, малхбалера хьоькху бовха мох бахьана долуш.