Адамийн питанех Хьайн юьхьца къайлабоху Ахь уьш. Дуьхьал лоьчу меттанех Хьайн ІиндагІехь къайлабоху Ахь уьш.
Кхерамечу гІу чуьра со хьала а ваьккхина, сацкъаран уьшал чуьра со схьа а озийна, тарха тІе сан когаш Цо дІахІиттийра, ас еш йолу сан гІулчаш Цо чІагІйира.
Веза Воккхачун тхов кІелахь вехаш верг Нуьцкъалчун ІиндагІехь Іаш ву.
Цу кхалоро дийнахь йолчу йовхонах дІалачкъа ІиндагІ лур ду, ткъа догІанах а, дарцах а къайлавала иза бун санна хир ю.