Дена Шен КІант веза. Цо массо а хІума Шен КІентан кара дІаделла.
Аса Сайн са, юха а схьаэцархьама, дІало дела, Сан Дена Со веза.
Бакъдерг боху Ас шуьга: и Ас дийриг Сох тешачуьнга а далур ду. Кхин а сов гІуллакхаш далур ду цуьнга, хІунда аьлча Со Сайн Да волчу воьду.
Сан Дена Со везаре терра, Суна шу а дезна. Хуьлийла шу а Сан безамехь.
Со цаьрца а, Хьо Соьца а санна, хуьлийла уьш а кхоччуш цхьаалла йолуш, дуьне тешийтархьама Ахьа Со вахийтина хиларх а, Со санна, Хьуна уьш безна хиларх а.
Дада! И Ахь Суна белларш Со волчохь Соьца хила лаьара Суна. Царна а ган лаьа Суна Ахь делла долу сийлалла, хІунда аьлча Хьуна Со дуьне кхоллале дуьйна а везнера.