Сардамаш дохкаррий, вовшийн ледаррий, вовшийн хІаллакдаррий, къоланаш даррий, марехь болчара ямартлонаш яррий тІехдукха даьржина адамашна юкъахь, адамийн цІий Іенор а дац хедаш.
Вайн паччахьан дезачу дийнахь чагІар а муьйлий, элий бехий дІахІуьтту, ткъа паччахьо Дела емалвечу нахе куьйгаш дІакхийдадо.
«Эпраймхоша шайн аьшпашца го бина Суна. Ткъа исраилхоша – мекарлонца бина. ЯхІудан халкъ хІинца а Делаца лелаш ду, Везачуьнца иза тешаме ду.
Церан куьйгаш зуламаш дан говза ду. Хьаькамаша шайна совгІаташ далар тІедожийна, кхелахошна кхаьънаш ийдо. Карахь Іедал долчу наха шайн лаамаш схьахоуьйту. Уьш массо а цхьа барт беш бу.
Ишттаниг лелораш хІаллакьхила хьакъ долуш буйла шайна хуъушехь, шаьш иштта лелла а ца Іаш, цара ишттаниг деш болу кхиберш а бакъбо.