Книга Иов Cтих 15 | Параллельные места

Кест-кеста Дала олура, ткъа суна иза дукхазза а хезара: ницкъ а, ва Дела, Хьоьгахь бу, Везачу Эло элира: «ЛадогІа Сан дешнашка! Нагахь санна шун пайхамарш белахьара, Со царна я суьрташкахь дуьхьал хІуттур вара, я гІенашкахь дуьйцур дара Аса цаьрца. сингаттамечу буса гуш долу гІенаш санна, чІогІа наб а кхетта, адам дІадижначу хенахь. Сан деган кІоргене хьаьжира Хьо. Буьйсанна сан терго а йина, со Ахьа зийча, цхьа а вониг ца карийра Хьуна. Сайн бетера цхьа а вониг ца далийта сацам бина аса.

ТІаккха церан лерг сама а доккхий, дикка гучу тайпана царна лерина долу Шен дІахьедар до Цо,

стага дан леринарг цуьнга ца дайта а, цуьнан куралла дІаяккха а,

иштта иза эхартана гена ваккхархьама а, цуьнан дахар Іожаллин хих чекх ца далийтархьама а.

Шен меттахь лазарца кхетаво Цо иза, цуьнан даьІахкашкахь гуттар а тІом а латтош.

ТІаккха цуьнан кийрано яа хІума тІе ца оьцу, уггар токхе йолу хІума а цуьнга ца яало.

Цуьнан дегІ гІелло, цунах хІумма а ца дуьсу, хьалха гуш йоцу цуьнан даьІахкаш гучуйоху.

Цуьнан са эхарте кхочуш ду, ткъа цуьнан дахар – Іожалла тІеяхьаш болчу геланчашка.

Амма нийса муха лела деза гайтархьама, адамна юкъалелаш долу малик делахь, вуно дуккха а долчу маликех цхьаъ,

оцу стагах къинхетам а бина, цо эр ду Деле: „Эхарте кхачарх паргІатваккхахьа иза, цунах такха дезарг суна карийна“.

ТІаккха цуьнан дегІ къона волуш хилларг санна, дІахІуттур ду, иза юхавоьрзур ву шен жималлин деношка.

Цо Деле доІа дийр ду, ткъа Дела цунна тамехь хир ву. Деле Іибадат а деш, цо воккхаверца мохь хьокхур бу. Дала цуьнан нийса хьал юхаметтахІоттор ду.

Нахе дІадуьйцур ду цо шена хилларг: „Ас къинош летийна сайх, харцдолчух бакъдерг а деш, амма суна догІу таІзар Цо суна ца дина.