Хьарам даьккхинчу ахчанах пайда ца болу, ткъа нийсоно Іожаллех кІелхьарвоккху.
Бекхам бечу дийнахь хьоло гІо дийр дац, амма нийсоно Іожаллех кІелхьарвоккхур ву.
Карахь дакъаделлачу баьпкан дакъа а долуш, машарехь вахар гІоле ду, хьолах дуьзначу цІа чохь барт боьхна вехаш хиларал.
Амма цхьа бохам тІебар бахьана долуш, цо шен хьал дайира. Хууш ду, стеган бер хилча, и бер даьссачу куьйгашца дуьнен чу долий.
Шен ненан кийрара верзина, тІехь хІумма а доцуш, схьа-ма-валлара, иштта ша дІакхелхича, кху дуьненахь ша бечу балхах шеца хІумма а дІа а ца хьош, иза дІа а воьду.
Машаран некъ царна ца бевза, нийсо яц уьш лелачохь. Церан некъаш ситтина ду, царна тІехула воьдучунна цхьанна а машар ца бевза.
Цара шайн дети аракхуссур ду, шайн деших дегаза хІума хир ю царна. Везачу Элан дераллин дийнахь кІезиг гІо хир ду царна шайн деших а, детих а. Оцу хІуманашка церан мацалла а дІаяккхалур яц, церан геш а дузалур дац, хІунда аьлча уьш бахьана долуш цара къинош летийна.
Церан долахь долчу я детига, я дешига кІелхьарбахалур бац уьш Везачу Элан оьгІазаллин дийнахь. Цуьнан эмгараллин цІеро хІара дерриге а латта дагийна дІакхоллур ду. Цо лаьтта тІехь вехаш волу хІорра а цІеххьана кхоччуш дІавоккхур ву.