Шена дуьхьалваьлларг Везачу Эло дуьнен чуьра войу, стигалара схьа царна оьгІазло а еш. Делан кхел дуьненан массо а маьІІе кхочур ю. Ша хаьржинчу паччахье Цо олалла а лур ду, Ша къобалвинчуьнца болу ларам лакха а боккхур бу».
Стигалара, иза къекъаш, Везачу Эло гІовгІа яьккхира! Веза Воккхачо Шен аз хазийтира.
Шен пхерчий а кхиссина, Цо мостагІий дІасалаьхкира, дукха ткъес а хьажийна, Цо уьш ма дарбира.
Дукха къегаш хиларна, Цунна хьалхара Іаьржа мархаш сихха дІасаевлира, къора а туьйхира, догуш долу кІегий серла а девлира.