Дица нужеда мисал бихьизабулеб букІана, дица нужее гьабураб нужецаги гьабизе.
Нуж дилъ рукІа, дун нужелъги вукІина. Гъабудаса къунцІараб чІоралда цІибил бижулареб гІадин, дилъ рукІинчІони, нужедасаги щибго пайда букІинаро.
Нужее гІоло МасихІица гІазаб-гІакъубаги хІехьедал, нуж нахърилълъине мисалги бихьизабидал, гьесул нухдасан ине ккола нуж.
Гьесда цохІониги мунагь букІинчІо, гьересиги гьесул кІалдиб батичІо.