РитІухълъиялъул РухІ. ГІаламалъ гьеб къабул гьабизе гьечІо, гІаламалда гьеб лъаларелъул, бихьуларелъул. Амма нужеда гьеб лъала, гьеб гьабсагІатги нужеда аскІоб бугелъул ва кидаго нужелъ букІинеги бугелъул.
Нужер ракІбатизабулеб ва дун хисун нужехъе БетІергьанас битІизе бугеб Илагьияб РухІалъ кинабго малъила нужеда ва дица малъун тарабщинабги ракІалде щвезабила.
Нужелъе Илагьияб РухІ ГІисадалъун рещтІана, гьединлъидал нужеда кинабго лъала.