Книга Откровение Cтих 2 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Откровение Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Откровение

1 2 3 4 5 6 7 8 9 10 11 12 13 14 15 16 17 18 19 20 21 22

Күктә бѳек галәмәт күренде: менә кояшка тѳренгән хатын; аның аяклары астында ай, башында унике йолдызлы таҗ иде.

Хатын йѳкле булып, бала тудыру газапларыннан һәм авыртудан кычкыра иде.

Параллельные места

К Галатам 4:19

Балаларым, Мәсих сезнең тормышыгызның аерылгысыз ѳлешенә әверелгәнгә кадәр, сезнең ѳчен мин бала тудыру газабын яңадан кичерәм!

Күктә бүтән галәмәт күренде: менә җиде башлы һәм ун мѳгезле кызыл тѳстәге гаять зур аждаһа; аның һәр башында кечкенә таҗ иде.

Койрыгы күк йолдызларының ѳчтән бер ѳлешен себереп, аларны җиргә атты. Хатын баласын тудыру белән, аның баласын ашар ѳчен, аждаһа бала тудыру халәтендә булган хатын алдына басты.

Менә хатын, барлык халыклар ѳстеннән тимер таяк белән хакимлек итәргә тиешле ир бала тудырды. Хатынның баласы Аллаһыга һәм Аның тәхете алдына тотып китерелде.

Ә хатын чүлгә качты. Анда аңа мең ике йѳз алтмыш кѳн буе кайгырту астында булу ѳчен Аллаһы әзерләп куйган урын бар иде.

Шуннан соң күктә сугыш башланды: Микаил үзенең фәрештәләре белән аждаһага каршы сугышты. Аждаһа да үзенең явыз фәрештәләре белән аларга каршы сугышты.

Әмма аждаһа җиңелде һәм үзенең явыз фәрештәләре белән моннан ары күктә кала алмады.

Бу зур аждаһа, бѳтен дѳньяны алдаучы, иблис һәм шайтан дип аталган борынгы елан, җиргә бәреп тѳшерелде; аның белән бергә явыз фәрештәләре дә бәреп тѳшерелделәр.

Шуннан соң, мин күктә кѳчле тавыш ишеттем: «Менә Аллаһыбызның коткаруы, кодрәте, патшалыгы һәм Аның Мәсихенең хакимлеге урнашты! Чѳнки Аллаһыбыз алдында кѳне-тѳне имандашларыбызны гаепләүче бәреп тѳшерелде.

Туганнарыбыз аны Бәрән каны белән һәм Гайсә хакындагы шаһитлек сүзләре белән җиңделәр, Хәтта, үлемнән курыкмыйча, үзләренең җаннарын аямадылар.

Шуңа күрә, күкләр һәм анда яшәүчеләр, куаныгыз! Әмма җиргә һәм диңгезгә кайгы, чѳнки иблис, вакыты аз калганын белеп, Кѳчле ярсу белән сезгә тѳште!»

Үзенең җиргә бәреп тѳшерелүен күргәч, аждаһа ир бала тудырган хатынны куа башлады.

Хатынга исә, бу еланнан качып, аның ѳчен чүлдә әзерләгән урынга очсын дип, зур бѳркетнең ике канаты бирелде. Ул анда вакыт, вакытлар һәм ярты вакыт буе кайгырту астында булачак.

Хатынны елга агызып китсен дип, хатын артыннан елан үзенең авызыннан елга кебек су агызды.

Әмма җир, авызын ачып, аждаһа авызыннан аккан елганы йотып, хатынга ярдәм итте.

Аждаһа хатынга нык ярсыды, һәм хатынның Аллаһы әмерләрен үтәүче, Гайсә хакында шаһитлек бирүче калган балаларына каршы сугышыр ѳчен китте. Шуннан соң аждаһа диңгез ярына басты.

← Предыдущая

Откровение

1 2 3 4 5 6 7 8 9 10 11 12 13 14 15 16 17 18 19 20 21 22

Выбор основного перевода