Книга От Матфея Cтих 30 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Матфея Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Матфея

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Гайсә Үзенең янына унике шәкертен чакырып алып, аларга шакшы рухларны куып чыгару һәм тѳрле авырулардан, тѳрле чирләрдән савыктыру вәкаләте бирде.

Менә ул унике рәсүлнең исеме: беренчесе – Петер дип аталган Шимун һәм аның энесе Әндри, Зебедәй улы Ягъкуб һәм аның энесе Яхъя,

Филип һәм Бартулумай, Томас һәм салым җыючы Маттай, Һалфай улы Ягъкуб, Таддай,

Кѳрәшүче Шимун һәм Гайсәгә хыянәт итәчәк Яһүд Искариот.

Гайсә менә шушы уникене нәсыйхәт биреп җибәрде:– Башка халыкларга бармагыз һәм Самареянең бер шәһәренә дә кермәгез.

Бигрәк тә Исраил халкының югалган сарыклары янына барыгыз.

Барганда исә: «Күкләр Патшалыгы якынлашты!» – дип хәбәр итегез.

Авыруларны савыктырыгыз, үлгәннәрне терелтегез, махаулыларны тазартыгыз, җеннәрне куып чыгарыгыз. Бушлай алдыгыз – бушлай бирегез.

Путагызга салырга дип, үзегез белән алтын да, кѳмеш тә, бакыр акча да алмагыз.

Биштәр дә, алмаш күлмәк тә, аяк киеме дә, юл таягы да алмагыз – эшче үзенә ризык бирелүгә лаек.

Берәр шәһәр яки авылга килгәч, анда кем лаеклы булуын табып, үзегез киткәнгә кадәр аның ѳендә калыгыз.

Ѳйгә кергәндә, иминлек теләген әйтеп керегез.

Әгәр ѳй лаеклы булса, анда сез теләгән иминлек булсын, ә лаексыз булса, сезнең иминлегегез үзегезгә кире кайтсын.

Ә берәр йорт яки шәһәр сезне кабул итмәсә, сүзләрегезне тыңламаса, ул чакта бу йорттан яки бу шәһәрдән киткәндә, аякларыгыздагы тузанны кагып тѳшерегез.

Сезгә хак сүз әйтәм: хѳкем кѳнендә Сәдүм белән Гамура шәһәрләренә бу шәһәргә караганда җиңелрәк булыр.

Мин сезне бүреләр арасына сарыкларны җибәргән кебек җибәрәм. Шуңа күрә, еланнар кебек сакланучан булыгыз һәм күгәрченнәр кебек эчкерсез булыгыз.

Кешеләрдән сакланыгыз. Алар сезне мәхкәмәләргә тапшырырлар, гыйбадәтханәләрендә камчыларлар.

Сезне Минем аркада идарәчеләр, патшалар алдына китерерләр. Бу – сез аларга һәм халыкларга Минем хакта шаһитлек итсен ѳчен булыр.

Сезне хѳкем итәргә китергән чакта, нәрсә һәм ничек сѳйләргә дип хафаланмагыз: сезгә ул сәгатьтә нәрсә сѳйләргә кирәклеге белдерелер.

Чѳнки әйткән сүзләрегез сезнеке булмас, бәлки сезнең аша Атагызның Рухы сѳйләр.

Туган туганын, ата баласын үлемгә тапшырыр, ә балалар ата-аналарына каршы чыгып, аларны үтертерләр.

Минем ѳчен барысы да сезне нәфрәт итәр. Ләкин ахырга кадәр чыдаган кеше котылыр.

Бер шәһәрдә эзәрлекли башласалар, башкасына качыгыз. Сезгә хак сүз әйтәм: сез Исраилнең барлык шәһәрләрен әйләнеп чыгарга ѳлгергәнче, Адәм Улы киләчәк.

Шәкерт үзенең остазыннан ѳстен булмый, һәм хезмәтче дә үзенең хуҗасыннан ѳстен булмый.

Шәкерт исә остазы кебек булса, ә хезмәтче хуҗасы кебек булса, шул җитә. Йорт хуҗасын Белзебул дип атыйлар икән, ѳйдәгеләрен инде бигрәк тә шулай дип атарлар.

Шуңа күрә, алардан курыкмагыз! Ачылмый калачак бернинди капланган нәрсә һәм беленми калачак бернинди яшерен нәрсә юк.

Мин сезгә караңгылыкта сѳйләгәннәрне кѳн яктысында сѳйләгез, пышылдап әйткәннәрне ѳй түбәләреннән игълан итегез.

Тәнне үтереп тә, җанны үтерә алмаучылардан курыкмагыз. Бәлки күбрәк җәһәннәмдә җанны да, тәнне дә һәлак итә алучы Аллаһыдан куркыгыз!

Ике чыпчык бер бакыр тәңкәгә сатыла түгелме соң? Әмма аларның берсе дә Атагызның ихтыярыннан башка җиргә егылып тѳшмәс.

Ә сезнең хәтта башыгыздагы һәр чәч бѳртегегез дә санаулы.

Параллельные места

Деяния 27:34

Шуңа күрә ашавыгызны үтенәм: бу сезнең гомерегезне саклап калу ѳчен зарур. Сезнең берегезнең дә башыннан бер генә бѳртек чәче дә тѳшмәс, – диде ул.

Шулай итеп, курыкмагыз: сез күп чыпчыкларга караганда кыйммәтлерәк.

Шулай итеп, Мине кешеләр алдында икърар иткән кешене Мин дә Күктәге Атам алдында икърар итәрмен.

Ә инде берәрсе кешеләр каршында Миннән ваз кичсә, Мин дә Күктәге Атам каршында аннан ваз кичәрмен.

Мине җиргә тынычлык китерергә килде дип уйламагыз. Мин тынычлык китерергә дип килмәдем, әмма кылыч алып килдем.

Чѳнки Мин улы белән атаны, кызы белән ананы, килен белән каенананы аерырга дип килдем.

Һәм кеше ѳчен ѳйдәгеләре дошман булыр.

Үзенең атасын яки анасын Миңа караганда күбрәк яратучы кеше Миңа лаек түгел. Үзенең улын яки кызын Миңа караганда күбрәк яратучы кеше Миңа лаек түгел.

Үзенең хачын алмаган һәм Миңа ияреп бармаган кеше Миңа лаек түгел.

Тормышын үзе ѳчен сакларга тырышучы кеше аны югалтыр. Ә Минем ѳчен тормышын югалткан кеше аны табар.

Сезне кабул итүче Мине кабул итә. Ә Мине кабул итүче Мине Җибәрүчене кабул итә.

Пәйгамбәрне пәйгамбәр булганы ѳчен кабул итүче, пәйгамбәрнең әҗерен алыр. Тәкъваны тәкъва булганы ѳчен кабул итүче тәкъваның әҗерен алыр.

Кем шушы иң түбәннәрнең берсенә Минем шәкертем булганы ѳчен эчәргә дип бер чынаяк салкын су бирә, хак сүз әйтәм: әҗереннән мәхрүм калмаячак.

← Предыдущая

От Матфея

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода