Книга Деяния Cтих 5 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Ѳлкәгә килеп ѳч кѳн торганнан соң Фисте Кайсариядән Иерусалимга китте.

Баш руханилар һәм яһүдләрнең башлыклары, аның янына килеп, Паулга гаеп ташладылар.

Үзләренә мәрхәмәт күрсәтүне сорап, Паулны Иерусалимга чакыртуын үтенделәр. Ә үзләре аны юлда үтерергә сүз куештылар.

Әмма Фисте Паулның Кайсариядә сак астында калачагын һәм тиздән үзенең шул шәһәргә барачагын әйтте.

– Шулай итеп, – диде ул, – җитәкчеләрегез минем белән барсын һәм, ул кешенең гаебе булса, аның гаебен әйтсен.

Параллельные места

Деяния 23:30

Бу кешегә каршы явыз ният турында ишеткәч, мин аны тиз арада Сезнең яныгызга җибәрдем, аны гаепләүчеләргә аңа каршы Сезнең алда сѳйләргә әмер бирдем».

Иерусалимда атна – ун кѳн булганнан соң, Фисте Кайсариягә кайтты. Икенче кѳнне ул хѳкем итү урынына утырды һәм Паулны алып керергә әмер бирде.

Паул кергәч, Иерусалимнан килгән яһүдләр аны урап алдылар һәм аңа каршы күп санлы авыр гаепләүләр ташладылар, ләкин ул гаепләүләрне исбат итә алмадылар.

– Мин яһүдләр канунына да, Аллаһы Йортына да, кайсарга каршы да һичнинди начарлык кылмадым, – диде Паул үзен яклап.

Фисте, яһүдләргә ярарга теләп, Паулдан: – Иерусалимга барырга һәм анда, бу гаепләүләрне тикшерү ѳчен, минем хѳкем алдына басарга син ризамы? – дип сорады.

– Мин кайсарның хѳкеме урыны алдында торам һәм мин шундый урында хѳкем ителергә тиешмен. Сез үзегез дә яхшы беләсез, мин яһүдләрне бер нәрсә белән дә рәнҗетмәдем.

Әгәр дә мин нәрсәнедер дѳрес эшләмичә үлемгә хѳкем ителерлек эш кылганмын икән, үлемнән баш тартмыйм. Ә инде алар миңа ташлаган гаепләүләр дѳрес булмаса, беркем дә мине аларның кулына тотып бирә алмый. Кайсарга мѳрәҗәгать итәргә телим, – диде Паул.

Фисте, ярдәмчеләре белән киңәшләшкәннән соң: – Син кайсарга мѳрәҗәгать итәргә теләдең һәм кайсар янына китәчәксең, – диде.

Берничә кѳннән, Фистене тәбрик итү ѳчен, Әгрип патша белән Берники Кайсариягә килделәр.

Алар анда күп кѳннәр булганлыктан, Фисте Паулның эшен патшага тыңларга тәкъдим итте: – Монда Филикес тоткынлыкта калдырган бер кеше бар.

Мин Иерусалимда булганда яһүдләрнең баш руханилары һәм аксакаллары, аны хѳкем итүне таләп итеп, шикаять белән килделәр.

Мин аларга римлыларда, гаепләнүченең йѳзенә карап гаепләүчеләре һәм гаепләүгә каршы үзен яклау мѳмкинлеге булмыйча торып, кешене җәзага тарту гадәте юклыгын әйтеп җавап бирдем.

Алар монда килгәч, мин һич кичектермичә, икенче кѳнне үк, хѳкем итү урынына утырдым һәм ул кешене алып килергә әмер бирдем.

Гаепләүчеләр аңа гаеп ташларга дип сүз алдылар, ләкин мин кѳткән гаепләүләрнең берсен дә китермәделәр.

Алар үзләренең диннәренә кагылышлы мәсьәләләр турында, Паул тере дип раслаган ниндидер үлгән Гайсә хакында бәхәстә иделәр.

Бу мәсьәләне хәл итәргә кыенсынып, мин аңа: «Иерусалимга барырга һәм бу эш буенча шунда хѳкем ителергә телисеңме?» – дидем.

Әмма ул галиҗәнап карарын сорады һәм сак астында калырга теләде. Шуңа күрә мин аны, кайсар янына җибәрелгәнче, сак астында тотарга куштым, – диде Фисте.

Әгрип Фистегә: – Ул кешене мин дә тыңларга теләр идем, – диде. – Иртәгә сез аны тыңларсыз, – дип җавап бирде Фисте.

Икенче кѳнне Әгрип һәм Берники, хәрби җитәкчеләр һәм иң күренекле гражданнар белән бергә, бик купшыланып зур бүлмәгә кергәч, Фисте әмере буенча Паулны алып килделәр.

– Әгрип патша һәм биредә утыручылар! – диде Фисте. – Иерусалимда да, монда да күп яһүдләр менә шушы кешедән зарландылар. Алар: «Ул бүтән яшәргә тиеш түгел», – дип кычкырдылар.

Әмма мин, ул үлемгә хѳкем ителерлек бернинди эш эшләмәгән, дип таптым һәм, ул үзе галиҗәнапка мѳрәҗәгать итәргә теләгәнлектән, мин аны кайсар янына җибәрергә булдым.

Ләкин аның хакында кайсарга нәрсә язарга да белмим. Шуңа күрә, тикшергәннән соң язарлык берәр нәрсә булсын иде дип, мин аны сезнең алдыгызга, бигрәк тә, Әгрип патша, сезнең каршыгызга китердем.

Чѳнки тоткынның нинди эштә гаепләнүен күрсәтмичә аны кайсар янына җибәрү, минемчә, уйламыйча эшләнгән эш булачак.

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода