Книга 2. Коринфянам Cтих 4 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

2. Коринфянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

2. Коринфянам

Следующая →

1 2 3 4 5 6 7 8 9 10 11 12 13

Мактануның файдасы булмаса да, мин мактанырга тиеш; хәзер мин Раббы җибәргән илаһи күренешләр һәм ачылышлар турында сѳйлим.

Мин Мәсихкә иман итүче бер кешене беләм, моннан ундүрт ел элек ул, – тәне беләнме, әллә рухы беләнме, белмим, бер Аллаһы гына белә, – ѳченче күккә кадәр күтәрелеп алынды.

Һәм шул кеше хакында беләм – тик ул тәне беләнме яки рухы беләнме икәнен белмим, Аллаһы белә, –

ул җәннәткә алынган һәм тел белән аңлатып бирә алмаслык сүзләр ишеткән. Ә бу сүзләрне кешегә сѳйләргә ярамаган.

Параллельные места

От Луки 23:43

Откровение 2:7

Гайсә аңа:– Хак сүз әйтәм: бүген үк син Минем белән бергә җәннәттә булачаксың. Рухның бердәмлекләргә әйткәнен колагы булган ишетсен. Җиңүчегә Мин Аллаһы оҗмахында булган тереклек агачыннан ашарга бирәчәкмен».

Андый кеше белән мактана алам, үзем хакында исә зәгыйфьлекләремнән башка бернәрсә белән дә мактана алмыйм.

Хәер, мактанырга теләсәм, акылсыз булмам, чѳнки дѳреслекне сѳйләячәкмен. Әмма, кем дә булса минем хакта миндә күргәненнән яки ишеткәненнән артыграк уйламасын дип, мактанудан тыелып торам.

Аллаһыдан шундый гадәттән тыш ачылышлар алганга, борыным күтәрелмәсен ѳчен, минем тәнемә чәнечке бирелде. Бу чәнечке исә, мин артык мактанмасын ѳчен, мине шайтан фәрештәсе сыман интектерә.

Аны тәнемнән чыгарсын ѳчен Раббыга ѳч мәртәбә ялвардым.

Әмма Ул әйтте: «Сиңа Минем мәрхәмәтем җитәр, чѳнки Минем кодрәтем зәгыйфьлектә иң камил була». Шуңа күрә, миндә Мәсих кодрәте торсын ѳчен, үз зәгыйфьлекләрем белән бик теләп мактаначакмын.

Шуның ѳчен мин Мәсих хакына зәгыйфьлекләргә, хурлауларга, мәшәкатьләргә, эзәрлекләүләргә, кысуларга түзәм, чѳнки мин зәгыйфь вакытта кѳчле.

Мин акылдан шаштым, моңа сез мәҗбүр иттегез. Сез мине мактарга тиеш идегез, чѳнки, гәрчә мин әһәмиятсез булсам да, «гадәттән тыш бѳек рәсүлләрдән» һич ким җирем юк.

Минем рәсүллек дәлилләре – галәмәтләр, могҗизалар һәм кодрәтле эшләр – сездә зур сабырлык белән күрсәтелде.

Сезгә авыр йѳк булмавым белән, башка бердәмлекләргә караганда, сезнең белән начаррак мѳгамәлә иттемме әллә? Мондый гаебем ѳчен мине гафу итегез!

Менә, мин яныгызга ѳченче тапкыр барырга әзерләнәм, әмма сезгә йѳк булмаячакмын, чѳнки мин сезнеке булганны түгел, бәлки үзегезне эзлим. Балалар ата-аналарына түгел, бәлки ата-аналар балаларына байлык җыярга тиеш бит.

Җаннарыгыз ѳчен мин үземдә булганның һәммәсен, хәтта үземне дә бик теләп сарыф итәрмен. Әгәр сезне бик яратам икән, сез мине азрак яратасызмы?

Ярый, мин үзем сезгә йѳк булмадым, ди. Ләкин, сезнең әйтүегезчә, хәйләкәр буларак, сезне мәкерлек белән үз кулыма алганмын.

Сезгә җибәрелгәннәрнең берәрсе аркылы сездән файдаландыммы?

Мин Титустан яныгызга баруын үтендем һәм аның белән бер имандашымны җибәрдем. Титус сездән файдаландымы? Без соң бер үк рух белән эш иттек түгелме? Бер үк юлдан йѳрмәдекме?

Сез, мѳгаен, алдыгызда акланабыз дип уйлыйсыздыр. Юк! Без, Мәсихнеке буларак, Аллаһы алдында сѳйлибез, болар һәммәсе, сѳеклеләрем, сезне рухи яктан ныгыту ѳчен.

Чѳнки мин, килгәч, сезне үзем теләмәгән хәлдә тапмасам иде, һәм сез дә мине үзегез теләмәгән хәлдә тапмасагыз иде. Арагызда гаугалар, кѳнчелек, ачу, ызгыш-талаш, яла ягу, гайбәт сату, тәкәбберлек, тәртипсезлек табырмын дип куркам.

Килгәч, Аллаһым сезнең алда мине тагын кимсетер дип куркам, һәм, элек гѳнаһ кылып та, кылган шакшылык, фәхешлек һәм азгынлыклары ѳчен тәүбә итмәгән күпләр ѳчен, миңа күз яше агызырга туры килмәсен иде.

← Предыдущая

2. Коринфянам

Следующая →

1 2 3 4 5 6 7 8 9 10 11 12 13

Выбор основного перевода