Изӕры ӕртахтысты уӕрццытӕ, ӕмӕ израилӕгты асадӕн сӕ быны фӕци; райсомӕй та сӕ асадӕны алыварс зӕххыл ӕрбадт ӕртӕх.
Ӕртӕх хурмӕ куы сыстади, уӕд ӕдзӕрӕг быдыры, зӕххыл, халасы мурты ӕрбадӕгау, цыдӕр баззад.
Израилаг адӕм ӕй куы федтой, уӕд кӕрӕдзи фарстой: «Уый цы у?» Уымӕн ӕмӕ цы у, уый нӕ зыдтой. Уӕд сын Моисей загъта: «Хуыцауӕй уын хӕрынӕн лӕвӕрд хойраг у.
Уӕ фыдӕлтӕ ӕдзӕрӕг бӕстӕйы маннӕ хордтой, уӕддӕр амардысты.
Ахӕм у уӕларвӕй ӕрцӕуӕг дзул. Уӕ фыдӕлтӕ хордтой маннӕ ӕмӕ амардысты; ацы дзул та ахӕм нӕу – чи йӕ хӕра, уый цӕрдзӕни мыггагмӕ».
Сеппӕт дӕр хордтой уыциу уӕларвон хойраг.