Йесо райста кӕрдзынтӕ, арфӕ ракодта ӕмӕ сӕ байуӕрста, бадгӕ чи кодта, уыдоныл. Кӕсаг дӕр сын радта, кӕй цас хъуыди, уыйбӕрц.
Адӕм куы бафсӕстысты, уӕд Йесо загъта Йӕ ахуыргӕнинӕгтӕн: «Цы уӕлдӕйттӕ баззад, уыдон ӕрӕмбырд кӕнут, куыд ницы дзы фесӕфа, афтӕ».
Нӕдӕр Йесо, нӕдӕр Йӕ ахуыргӕнинӕгтӕ ам кӕй не сты, уый адӕм куы федтой, уӕд сбадтысты бӕлӕгъты ӕмӕ Йесойы агурӕг бахӕццӕ сты Капернауммӕ.
Уӕд Ын загътой: «Цавӕр диссаг нын равдисдзынӕ, цӕмӕй йӕ фенӕм ӕмӕ Дыл баууӕндӕм? Дӕ бон цы бакӕнын у?