Фӕлӕ кӕд Ӕз Мӕ Фыды хъуыддӕгтӕ кӕнын ӕмӕ Мыл уӕддӕр не 'ууӕндут, уӕд ӕууӕндут Мӕ хъуыддӕгтыл, Ӕз Мӕ Фыдимӕ иу кӕй дӕн ӕмӕ Мӕ Фыд Мемӕ иу кӕй у, уый куыд базонат ӕмӕ бамбарат, афтӕ».
Уымӕн ӕмӕ Ӕз Мӕхи номӕй нӕ дзырдтон, фӕлӕ цы зӕгъон ӕмӕ куыд зӕгъон, уый Мын Мӕ рарвитӕг Фыд бафӕдзӕхста.
Уыцы бон базондзыстут, Ӕз Мӕ Фыдимӕ иу кӕй дӕн, сымах Мемӕ иу кӕй стут ӕмӕ Ӕз уемӕ иу кӕй дӕн, уый.
Мӕн чи нӕ уарзы, уый Мӕ ныхӕстӕ не 'ххӕст кӕны. Сымах цы ныхас хъусут, уый та Мӕнӕй нӕ, фӕлӕ Мӕ рарвитӕг Фыдӕй у.
Уадз ӕмӕ сеппӕт дӕр уой иу. Ды, Мӕ Фыд, Мемӕ иу куыд дӕ, Ӕз та Демӕ иу куыд дӕн, афтӕ уыдон дӕр иу уӕнт Немӕ, ӕмӕ дуне баууӕнда, Ды Мӕ кӕй рарвыстай, ууыл.