Уыдонӕй иу, йӕ ном – Агав, сыстад ӕмӕ радзырдта, Сыгъдӕг Уд ын цы раргом кодта, уый: ӕппӕт дунейы скӕндзӕн тынг стонг рӕстӕг. Ӕмӕ йӕ пехуымпар ныхас ӕрцыди кесӕр Клавдийы заманы.
Уӕд ахуыргӕнинӕгтӕ баныхас кодтой, кӕмӕн куыд йӕ бон у, афтӕ се 'ххуысы хай Иудейӕйы цӕрӕг ӕфсымӕртӕн арвитыны тыххӕй.
Ӕмӕ сӕ дзырдӕн разындысты хицау: цы ӕрӕмбырд кодтой, уый Варнавӕимӕ ӕмӕ Савлимӕ арвыстой аргъуаны хистӕртӕм.
Уымӕн ӕмӕ Македонийы ӕмӕ Ахайы уырнджыты бафӕндыд, Иерусалимы сыгъдӕджытӕй мӕгуыр чи у, уыдонӕн баххуыс кӕнын.
Ныр та сыгъдӕджытӕн ӕххуысы тыххӕй. Сымах хъуамӕ бакӕнат, ӕз Галатийы аргъуантӕн куыд бафӕдзӕхстон, афтӕ.