Книга Исход Cтих 15 | Параллельные места

Фараон уӕм нӕ байхъусдзӕн; ӕмӕ Ӕз бафхӕрдзынӕн Мысыр; ӕмӕ Мӕ израилаг адӕмы, Израилы байзӕддӕгты, ракӕндзынӕн Мысыр карзӕй бафхӕрыны фӕстӕ. Ӕмӕ бакодтой афтӕ: Аарон радардта йӕ къух, лӕдзӕгӕй ӕрцавта рыг, ӕмӕ мысыраг зӕххы рыг ӕнӕхъӕнӕй дӕр фестади къогъотӕ. Ӕмӕ къогъотӕ хъизӕмарӕй мардтой адӕмы ӕмӕ фосы. Фӕлӕ та ацы хатт дӕр фараон разынди дурзӕрдӕ, ӕмӕ нӕ ауагъта израилаг адӕмы. Къӕвда, их ӕмӕ ӕрвнӕрд кӕй банцадысты, уый фараон куы федта, уӕд та ногӕй бафтыди тӕригъӕды: йӕхӕдӕг дӕр ӕмӕ йӕ фӕсдзӕуинтӕ дӕр баззадысты хивӕндӕй:

Хуыцау загъта Моисейӕн: «Ааронӕн зӕгъ: „Радар дӕ лӕдзӕг, ӕрцӕв дзы зӕххы рыг, ӕмӕ ӕппӕт мысыраг зӕххыл цы рыг ис, уый фестдзӕни къогъотӕ“».

Ӕмӕ бакодтой афтӕ: Аарон радардта йӕ къух, лӕдзӕгӕй ӕрцавта рыг, ӕмӕ мысыраг зӕххы рыг ӕнӕхъӕнӕй дӕр фестади къогъотӕ. Ӕмӕ къогъотӕ хъизӕмарӕй мардтой адӕмы ӕмӕ фосы.

Дӕснытӕ дӕр архайдтой сӕ кӕлӕнтӕй къогъотӕ рауадзыныл, фӕлӕ сӕ бон нӕ баци. Къогъотӕ бадтысты адӕмыл ӕмӕ фосыл.

Дӕснытӕ фараонӕн загътой: «Уый Хуыцауы ӕрмдзӕф у». Фӕлӕ та фараон разынди дурзӕрдӕ ӕмӕ сӕм нӕ байхъуыста, Моисейӕн ӕмӕ Ааронӕн Хуыцау развӕлгъау куыд загъта, афтӕ.

Уӕд Хуыцау загъта Моисейӕн: «Райсом сыст сӕумӕйӕ, ӕмӕ бацу фараонмӕ. Уый рацӕудзӕни цӕугӕдонмӕ, ӕмӕ йын зӕгъдзынӕ: „Афтӕ зӕгъы Дунедарӕг: ‘Ауадз Мӕ адӕмы нывонд Мын ӕрхӕссынмӕ.

Уымӕн ӕмӕ Мӕ адӕмы куы нӕ ауадзай, уӕд дӕуыл, дӕ фӕсдзӕуинтыл, дӕ адӕмыл ӕмӕ дӕ хӕдзӕрттыл Ӕз бафтаудзынӕн дзынгатӕ; дзынгатӕй байдзаг уыдзысты мысырӕгты хӕдзӕрттӕ; мысырӕгтӕ цы зӕххыл цӕрынц, суанг уый дӕр нал зындзӕни дзынгатӕй.

Гесемы зӕххӕн та уыцы бон афтӕ нӕ бакӕндзынӕн: уым сты Мӕ адӕм ӕмӕ дзы дзынгатӕ нӕ уыдзӕн. Ӕмӕ уӕд базондзынӕ, Ӕз, Дунедарӕг, уыцы зӕххыл кӕй дӕн, уый.

Мӕ адӕмы ӕмӕ дӕ адӕмы ӕхсӕн ӕрӕвӕрдзынӕн арӕн. Уыцы диссаг равдисдзынӕн тӕккӕ райсом’“».

Ӕмӕ Дунедарӕг бакодта, куыд загъта, афтӕ: дзынгаты ӕрдонгтӕ дзыгуырӕй ӕрбатахти фараоны хӕдзармӕ, йӕ фӕсдзӕуинты хӕдзӕрттӕм, ӕппӕт мысыраг зӕхмӕ. Бӕстӕ дзынгатӕй сӕфтмӕ цыди.

Уӕд фараон басидти Моисей ӕмӕ Ааронмӕ, ӕмӕ сын загъта: «Ацӕут ӕмӕ уӕ Хуыцауӕн нывонд ӕрхӕссут ацы зӕххыл».

Фӕлӕ йын Моисей дзуапп радта: «Афтӕ бакӕнын не 'мбӕлы. Дунедарӕгӕн, нӕ Хуыцауӕн, нывонд ӕрхӕссын мысырӕгты цӕсты ӕлгъаг у; ӕмӕ сын ӕлгъаг цы у, мах мысырӕгты раз уыцы нывонд куы ӕрхӕссӕм, уӕд нӕ дуртӕй нӕ амардзысты, мыййаг?

Мах ӕртӕ бонцауы фӕцӕудзыстӕм ӕдзӕрӕг ранмӕ, ӕмӕ Дунедарӕгӕн, нӕ Хуыцауӕн, ӕрхӕсдзыстӕм, Йӕхӕдӕг нын цавӕр зӕгъа, ахӕм нывондтӕ».