Книга Исход Cтих 18 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Моисей ӕрӕмбырд кодта ӕппӕт израилаг адӕмы, ӕмӕ сын загъта: «Хуыцау уын мӕнӕ афтӕ бафӕдзӕхста: „

Ӕхсӕз боны аразут уӕ хъуыддӕгтӕ, ӕвдӕм бон та уын сыгъдӕг хъуамӕ уа – Дунедарӕгӕн нывонд ӕнцойбон. Уыцы бон чидӕриддӕр куса, уый амарут.

Сабаты уӕ цӕрӕнуӕтты арт ма скӕнут“».

Моисей ӕппӕт израилаг адӕмӕн загъта: «Хуыцау уын мӕнӕ афтӕ бафӕдзӕхста: „

Уӕ номыл ӕрхӕссут лӕвӕрттӕ Хуыцауӕн; рӕдаузӕрдӕ чи у, уыдонӕй алчидӕр уӕ Хуыцауӕн лӕвар ӕрхӕссӕд: сыгъзӕрин, ӕвзист, ӕрхуы,

Ӕрвхуыз, сырх ӕмӕ сӕнтсырх ӕндӕхтӕ, виссон, тинтычъи,

Сырх фысдзӕрмттӕ, тӕнӕг сӕрӕктӕ ӕмӕ акъаци,

Зети рухсгӕнӕнӕн, хӕрздӕфгӕнӕнтӕ сӕрдӕн зетийӕн ӕмӕ будӕн,

Оникс дуртӕ, дуртӕ ефодӕн ӕмӕ риуылдарӕн хызынӕн йӕ фӕлгӕтты бавӕрынӕн.

Хӕрзарӕхст чидӕриддӕр у, уый ӕрцӕуӕд ӕмӕ саразӕд, Дунедарӕг цыдӕриддӕр бафӕдзӕхста, уыдӕттӕ:

Цатыр ӕмӕ йӕ сӕр ӕддаг ӕмбӕрзӕнимӕ, йӕ къӕпсыртӕ, цыппӕрдигъон цӕджындзтӕ, хъилтӕ, тымбыл цӕджындзтӕ ӕмӕ бынӕвӕрӕнтӕ;

Фидыды Чырын, йӕ хъилтӕ, йӕ сӕр ӕмӕ йӕ бацӕуӕны ӕмбӕрзӕн,

Фынг, йӕ хъилтӕ ӕмӕ йеппӕт дзаумӕттӕ, нывондаг дзултӕ;

Рухсгӕнӕн йеппӕт дзаумӕттимӕ, цырӕгътӕ ӕмӕ зети рухсгӕнӕнӕн;

Будсудзӕн нывондхӕссӕн ӕмӕ йӕ хъилтӕ, сӕрдӕн зети, хӕрздӕфгӕнӕнтӕ будӕн, ӕмбӕрзӕн Цатырмӕ бацӕуӕнӕн;

Иууылсудзинаг нывондты нывондхӕссӕн ӕмӕ йын ӕрхуы хыз, йӕ хъилтӕ, йеппӕт дзаумӕттӕ, хихсӕн ӕмӕ йӕ бынӕвӕрӕн;

Ӕмбӕрзӕнтӕ кӕртӕн, йӕ цӕджындзтӕ ӕмӕ сӕ бынӕвӕрӕнтӕ, ӕмбӕрзӕн кӕртмӕ бацӕуӕнӕн;

Цатырӕн ӕмӕ кӕртӕн михтӕ ӕмӕ сӕ бӕттӕнтӕ;

Параллельные места

Исход 27:19

Цатыр ӕрӕмбырд кӕнынӕн ӕмӕ райхалынӕн цы алыхуызон кусӕнгӕрзтӕ хъӕуы, уыдон иууылдӕр, стӕй йӕ хъилтӕ ӕмӕ кӕрты ӕппӕт михтӕ хъуамӕ уой ӕрхуыйӕ.

Иударон ӕмӕ сӕрмагонд дарӕс кувӕндоны лӕггад кӕнынӕн, ӕмӕ сыгъдӕг дарӕс сауджын Ааронӕн, ӕмӕ дарӕс йӕ фырттӕн Цатыры лӕггад кӕнынӕн“».

Израилаг ӕппӕт адӕм ацыдысты Моисейы цурӕй.

Кӕй зӕрдӕ загъта, уыдон цыдысты ӕмӕ Хуыцауӕн хастой лӕвӕрттӕ Фембӕлды Цатыры арӕзтадӕн, Хуыцауӕн дзы балӕггад кӕнынӕн ӕмӕ сӕрмагонд дарӕсӕн.

Цыдысты лӕгтӕ сӕ устытимӕ; кӕй зӕрдӕ загъта, уыдон хастой хъуырӕгънӕгтӕ, хъусцӕджытӕ, къухдарӕнтӕ, фӕрдгуытӕ, алыхуызон сыгъзӕрин дзаумӕттӕ; Дунедарӕгӕн лӕвар ӕрхӕссын кӕйдӕриддӕр фӕндыд, уыдон хастой сыгъзӕрин дзаумӕттӕ.

Ӕрвхуыз, сырх ӕмӕ сӕнтсырх ӕндӕхтӕ, виссон, тинтычъи, сырх фысдзӕрмттӕ ӕмӕ тӕнӕг сӕрӕктӕ хастой Дунедарӕгӕн лӕварӕн.

Кӕй фӕндыд, уыдон Дунедарӕгӕн лӕварӕн хастой ӕвзист кӕнӕ ӕрхуы. Акъацийӕ хъӕдӕрмӕг кӕмӕдӕриддӕр уыди, уый йӕ хаста, цӕмӕн сбӕзза, уымӕн.

Ӕлвисынмӕ чи арӕхст, уыцы сылгоймӕгтӕ ӕлвыстой ӕмӕ хастой ӕрвхуыз, сырх, сӕнтсырх ӕндӕхтӕ ӕмӕ виссон.

Кӕй зӕрдӕ загъта ӕмӕ ӕлвисынмӕ чи арӕхст, уыцы сылгоймӕгтӕ ӕлвыстой тинтычъи.

Ӕлдӕрттӕ та хастой оникс дуртӕ ӕмӕ дуртӕ ефоды ӕмӕ риуылдарӕн хызыны фӕлгӕтты бавӕрынӕн,

Зети рухсгӕнӕнӕн, хӕрздӕфгӕнӕнтӕ сӕрдӕн зетийӕн ӕмӕ будӕн.

Кӕй зӕрдӕ загъта, уыцы израилаг адӕм – нӕлгоймӕгтӕ ӕмӕ сылгоймӕгтӕ – Дунедарӕгӕн барвӕндонӕй хастой лӕвӕрттӕ, Хуыцау Моисейы разамындӕй цы куыстытӕ бакӕнын бафӕдзӕхста, уыдонӕн.

Моисей израилаг адӕмӕн загъта: «Дунедарӕг Иудайы мыггагӕй сӕвзӕрста Уриайы фырты Веселиилы – Оры фыртыфырты,

Ӕмӕ йӕ схайджын кодта Хуыцауы Удӕй, зондӕй, ӕмбарынадӕй, зонынадӕй ӕмӕ курдиатӕй

Нывӕфтыд хъуымӕцтӕ уафынмӕ, сыгъзӕринӕй, ӕвзистӕй ӕмӕ ӕрхуыйӕ алы дзаумӕттӕ аразынмӕ,

Дуртӕ фӕлгӕтты бавӕрынмӕ, дуртыл фыссынмӕ, хъӕдыл нывӕфтауынмӕ – алы куыстмӕ дӕр дӕсны куыд уа, афтӕ.

Хуыцау уымӕн, стӕйма Даны мыггагӕй Ахисамахы фырт Аголиавӕн дӕр радта иннӕты ахуыр кӕныны зонд.

Радта сын арӕхстдзинад дурыл фыссынмӕ, нывӕфтыд ӕмӕ хуымӕтӕг хъуымӕцтӕ уафынмӕ, ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссоныл нывӕфтыдтӕ бийынмӕ – радта сын зонд алы куыстмӕ дӕр, стыр курдиат чи домы, ахӕм дзаумӕттӕ аразынмӕ».

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода