Акъацийӕ сараз Чырын; йӕ дӕргъ уӕд дыууӕ ӕлмӕрины ӕмӕ ӕрдӕг, йӕ уӕрх – ӕлмӕрин ӕмӕ ӕрдӕг, йӕ бӕрзӕнд – ӕлмӕрин ӕмӕ ӕрдӕг.
Мидӕгӕй ӕмӕ ӕдде йӕ сӕвдул сыгъдӕг сыгъзӕриндоны; уӕле йын йӕ кӕрӕттыл сӕвӕр сыгъзӕрин тӕлмытӕ.
Джиппы йын рауадз цыппар сыгъзӕрин цӕджы, ӕмӕ сӕ бафидар кӕн йӕ цыппар тигъмӕ: дыууӕ цӕджы – иуӕрдыгӕй, дыууӕ цӕджы – иннӕрдыгӕй.
Ӕмбӕрзӕн бауаф ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссонӕй; ӕмбӕрзӕныл херувимтӕ хъуамӕ уой нывӕфтыдӕй.
Ӕмӕ йӕ ӕрцауындз сыгъзӕриндоны тылд цыппар акъаци цӕджындзыл. Цӕджындзтыл хъуамӕ уа сыгъзӕрин къӕпсыртӕ, сӕ быны – ӕвзист бынӕвӕрӕнтӕ.
Ӕмбӕрзӕн ӕрцауындз къӕпсыртыл, ӕмӕ фӕсӕмбӕрзӕнмӕ бахӕсс фидыды Чырын. Ӕмбӕрзӕн сыгъдӕг бынат фӕхицӕн кӕндзӕн Иууылсыгъдӕг бынатӕй.