Мӕнӕ уыцы дыууадӕс апостолы нӕмттӕ: уыдонӕй фыццаг – фӕсномыгӕй Петр кӕй хуыдтой, уыцы Симон, ӕмӕ йе 'фсымӕр Андрей, Зеведейы фырт Иаков ӕмӕ йе 'фсымӕр Иоанн,
Филипп ӕмӕ Варфоломей, Фома ӕмӕ хъалонисӕг Матфей, Алфейы фырт Иаков ӕмӕ [фӕсномыгӕй Леввей кӕй хуыдтой, уыцы] Фаддей,
Симон Кананит ӕмӕ Йесойыл гадзрахатӕй рацӕуӕг Иудӕ Искариот.
Сӕвӕрдта Симоны ӕмӕ йӕ схуыдта Петр;
Зеведейы фырт Иаковы ӕмӕ уый ӕфсымӕр Иоанны, ӕмӕ сӕ схуыдта Воанергес (ома, Ӕрвнӕрды фырттӕ);
Андрейы, Филиппы, Варфоломейы, Матфейы, Фомайы, Алфейы фырт Иаковы, Фаддейы, Симон Кананиты
Ӕмӕ Йесойыл гадзрахатӕй рацӕуӕг Иудӕ Искариоты.
Петр, зӕгъгӕ, кӕй схуыдта, уыцы Симоны ӕмӕ уый ӕфсымӕр Андрейы, Иаковы, Иоанны, Филиппы, Варфоломейы,
Матфейы, Фомайы, Алфейы фырт Иаковы, фӕсномыгӕй Зилот кӕй хуыдтой, уыцы Симоны,
Иаковы фырт Иудӕйы ӕмӕ Иудӕ Искариоты – Йесойыл фӕстӕдӕр гадзрахатӕй чи рацыди, уый.
Ӕмӕ сӕ сахарӕй рахуыдта Вифанийы онг, систа Йӕ къухтӕ уӕлӕмӕ ӕмӕ сыл арфӕ бафтыдта.
Арфӕтӕ сыл куы ӕфтыдта, уӕд адард уыдонӕй ӕмӕ Йӕ уӕларвмӕ систӕуыд.
Уыдон Ӕм бакуывтой ӕмӕ стыр цинимӕ раздӕхтысты Иерусалиммӕ.
Уӕдӕй фӕстӕмӕ иудадзыг уыдысты Кувӕндоны ӕмӕ кад кодтой Хуыцауӕн.