Книга Псалтирь Cтих 37 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Хорну ёлбашчысына. «Алмут лаббен» деген макъамгъа гёре. Давутну йыры.

Гьакъ юрегим булан Сагъа макътав этип турарман, Раббим; Сени гьайран ишлерингни гьакъында да билдирип турарман.

Сенден сююнюп, Сагъа алгъыш этип, Сени атынгны тутуп йыр да айтарман, гьей Аллагьу-Таала.

Душманларым артгъа бурулуп къарагъанда, Сени юзюнгню алдында олар сюрюнюп, дагъылып къалар.

Неге тюгюл де, мени тюзлюгюмню якълагъан Сенсендир. Тахгъа минип олтургъан Сенсендир, мени адилли Дуванчым.

Сен имансызлагъа къазапланып алдынг, къылыкъсызны дагъытып къойдунг, оланы атларын гьар даимге де унутдуруп къойдунг.

Душманны бир савуту сама да къалмады, шагьарланы да Сен бузуп къойдунг; шолар булан бирче оьзлер булан байлавлу эсделик де болмагъандай болуп къалды.

Амма Раббибиз гьар даим де пача болуп турар; дуван учун Ол Оьзюню тахын онгарып турар.

Бютюн дюньягъа да Ол адиллик булан дуван этер, халкълагъа да тюз кюйде дуван этер.

Раббибиз зулмулангъанланы яшынып токътайгъан ери, къайгъылы гюнлерде яшынып токътайгъан ери болур;

Атынгны билегенлер Сагъа аркъа таярлар, неге тюгюл де Сени излейгенлени къоюп къоймайсандыр Сен, Раббим.

Сионда гьакимлик этип турагъан Раббибизни атын тутуп йыр да айтыгъыз чы, халкъланы арасында Ону ишлерин билдирип юрюгюз чю.

Неге тюгюл де, тёгюлген къан учун Ол сорав алар; оланы эсде сакълап турар, зулмулангъанланы агьын унутмас.

Рагьму эт дагъы магъа, Раббим! Мени гёрюп ярамайгъанлардан оьзюм гёрюп турагъан азаплагъа къара чы. Оьлюмню къапуларындан къутгъар дагъы мени!

Шо заман Сион къызыны къапу алдында Сени гьакъынгдагъы бары да макътавланы билдирип, Сени къутгъарылывунгдан сююнюп боларман мен.

Имансызлар оьзлер къазгъан къуюгъа оьзлер тюшюп гетерлер бёттёбен; оьзлер салгъан тузакълагъа оьзлени аягъы тюшюп къалар.

Раббибиз Оьзюню адиллигинден таба танылар; къылыкъсыз буса оьз къоллары булан этген ишлери булан тутулуп къалар.

Ахыратгъа гирип гетсинлер дагъы къылыкъсызлар, Аллагьны унутуп къоягъан бары да халкълар да.

Неге тюгюл де, даимге унутулуп къалмас пакъырлар, ярлыланы умуту да ахыргъа ерли дагъылып къалмас.

Кёмек эт дагъы, Раббим! Уьстюн чыкъмасын дагъы инсан, халкълагъа да Сени алдынгда дуван этилсин дагъы.

Къоркъув бер дагъы, Раббим, олагъа; халкълар оьзлер инсанлар экенин билсин чи.

Неге арекде токътап къалдынг, Раббим? Неге къайгъылы гюнлерде Оьзюнгню яшырып къойдунг?

Оьзюню оьктемлигинден къылыкъсызлар ярлыны гьызарлап айланар. Ойлашып айланагъан пышдырыкъларына олар оьзлер тутулуп къалсынлар дагъы.

Неге тюгюл де, къылыкъсызлар юреклериндеги гьасиретликлер булан макътанып айланар; сутур адам Раббибизни яманлап, гери уруп турар.

«Сорав алмас», – деп де айтып, оьзюню хохабазлыгъындан къылыкъсыз Раббибизни ахтармас; ону бары да оюнда да ёкъдур Аллагь.

Уьстюн чыгъар гьар заманда да оьзюню ишлеринде ол; Сени къанунларынг огъар йыракъдадыр; душманларыны барысына да ол сансымай къарар.

Оьз-оьзюне: «Бюдюремесмен, бир заманда да магъа гьеч бир балагь да болмас», – деп айтып юрюр.

Ону авзу налатдан, намартлыкъдан, ялгъандан толгъандыр; тилини тюбюнде дагъытылыв да, яманлыкъ да бардыр.

Абзарны артында пусгъунда олтуруп болар; яшыртгъын ерлерде айыпсызны оьлтюрер; гёзлери де амалсызгъа урлап-урлап къарай турар.

Уясында токътагъан арсланкъапландай яшыртгъын къаравуллап токътап болар; ярлыны тутмакъ учун, пусгъунда токътап болар. Тузагъына багъып тарта туруп, ярлыны къагъып тутар.

Оьзюню тюбюне салып янча туруп, йыгъып къояр къылыкъсыз ону. Гючю булан да уруп салып къояр къылыкъсыз ону.

Оьз-оьзюне: «Аллагь унутгъан, Ол бетин япгъан, бир заманда да гёрюп болмас», – деп айтар.

Кёмек эт дагъы, Раббим, Аллагьым мени! Оьрге гётер дагъы къолунгну, унутуп къойма дагъы зулмулангъанланы.

Неге къылыкъсыз ичинден: «Сен сорав алмассан», – деп айтып тура? Неге Аллагьны гери ура экен дагъы?

Сен гёрюп турасан чы! Оьз къолунг булан тийишлисин бермек учун, Сен хатирин къалдырывлагъа, къыйыкъсытывлагъа тергев бакъдырып турасан. Амалсыз оьзюн Сагъа аманат этер; етимге де Сен кёмекчи боларсан.

Яманны да, къылыкъсызны да гючюн дагъытып къой чу; бир де болмагъандай ёкъ болуп къалсын дагъы олар!

Раббибиз гьар даимге де пачадыр; имансызлар Ону топурагъындан ёкъ болуп къалар.

Параллельные места

Псалтирь 28:10

Откровение 11:15

Сувланы уьстюнде тахында олтургъан эди Раббибиз, гьар даим де пача болуп тахында олтуруп турар Раббибиз. Еттинчи малайик сюр чалды – кёклерде булай къычырагъан гючлю авазлар чыкъды: – Бютюн дюньягъа гьали Раббибиз ва Ону Месигьи гьакимлик этме башлажакъ. Энни О гьар даим гьакимлик этип туражакъ!

Раббим! Ювашланы сюегенин эшитесен Сен; оланы юреклерин беклешдир дагъы; олагъа къулакъ ас дагъы.

Инсан ер юзюнде оьзгени дагъы къоркъутмасын учун, Сен етимни де, зулмулангъанны да ягъын тутуп турасан.

← Предыдущая

Псалтирь

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Выбор основного перевода