Книга Бытие Cтих 1 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Дюньяда инсанлар бирден-бир артып тербей, олардан къызлар тува.

Параллельные места

Бытие 1:28

Аллагь оланы шабагьатлай туруп, булай деген: «Кёп яшлар тапдырыгъыз, артып йиберигиз, ер юзюн толтуругъуз, ону елегиз. Денгизлердеги балыкълагъа, кёкдеги къушлагъа, ерде юрюп айланагъан гьар-бир жангъа гьакимлик этигиз.

Шо заман инсанланы къызларыны аривлюгюн гёрюп, Аллагьны уланлары оьзлер ушатгъанларын къатын этип алалар.

Раббибиз: – Мени тынышым инсанда гьаман болуп турмажакъ. О къаркъарадан къайры бир зат да тюгюл, ону яшавуну мезгили юз йигирма йыл болсун, – дей.

Шо заманларда (шондан сонг да йимик) дюньяда девлер – бырынгъы девюрлерден берли белгили игитлер – яшай болгъан, неге тюгюл Аллагьны уланлары инсанланы къызларына ювукълукъ эте болгъан, олар да яшлар таба болгъан.

Раббибиз дюньяда инсанлардан чыгъагъан яманлыкъ кёп экенни гёре, неге тюгюл оланы бары ойлары яманлыкъгъа бакъгъан болгъан.

О дюньяда инсанны яратгъанына гьёкюне, Ону юрегине къайгъы тюше ва:

– Мен яратгъан инсанланы барын да ер юзюнден ёкъ этежекмен, олар булан бирче гьайванланы, ерде юрюп айланагъан жанланы ва къушланы ёкъ этермен, неге тюгюл Мен оланы яратгъаныма гьёкюнгенмен, – дей.

Амма Раббибиз Нугьгъа рази болгъан.

Муна Нугьну ва ону наслусуну гьакъындагъы хабар. Шо замангъы инсанланы арасындан янгыз Нугь муъмин ва айыпсыз болгъан. о Аллагьны ёлунда юрюй болгъан.

Нугьну Сим, Гьам ва Яфет деген уьч уланы болгъан.

Дюнья Аллагьны алдында пасат ёлгъа тюшме башлай, о яманлыкълардан тола.

Аллагь дюнья пасат ёлгъа тюшме башлагъанны гёре, неге тюгюл инсанланы барысы да пасатлыкъны ёлунда юрюй болгъан.

Аллагь Нугьгъа булай дей: – Дюньяда яшайгъанланы мен ёкъ этежекмен, неге тюгюл дюнья оланы яманлыкъларындан толгъан. Мен оланы ва олар булан бирче сав дюньяны ёкъ этежекмен.