Книга Бытие Cтих 10 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Аллагь Якъубгъа: – Туруп, Бет-Элге бар ва шонда ерлешип токъта. Шонда агъанг Исавдан къачагъан заманда сагъа Гёрюнген Аллагьгъа къурбанлыкъны салагъан ер къур, – дей.

Оьзюню агьлюсюне ва бары да адамларына Якъуб булай дей: – Сизде бар бары да ят аллагьланы лагь этип тайдырып, тазаланыгъыз, опуракъларыгъызны алышдырыгъыз.

Биз ондан чыгъып, Бет-Элге барайыкъ. Магъа къыйынлыкъларда кёмекге гелген, къайда барсам да, мени булан болуп тургъан Аллагьгъа онда мен къурбанлыкъны салагъан ер къуражакъман.

Олар да оьзлерде бар бары да ят аллагьларын ва къулакъларындагъы сыргъаларын Якъубгъа берелер. Якъуб шоланы барын да жыйып, Шегьемни къырыйындагъы эмен терекни тюбюне гёмюп къоя.

Олар ёлгъа тюшелер. Оьзлени Аллагьны къоркъуву къуршагъан айланадагъы шагьарларда яшайгъанлар Якъубну уланларын гьызарлап турмайлар.

Адамлары да булан Якъуб Луза (гьалиги Бет-Эл) деген шагьаргъа етише.

Шонда къурбанлыкъны салагъан ер къура. Шо ерге о Бет-Элни Аллагьы деп ат тагъа, неге тюгюл де Якъуб агъасындан къачып барагъанда, шонда огъар Аллагь гёрюнген болгъан.

Ребеканы эмчек анасы Девора гечине ва ону Бет-Элни ювугъунда эмен терекни тюбюнде гёмелер. Шо саялы эмен терекге «Ваягьны эмени» деп ат тагъалар.

Якъуб Месопотамиядан къайтгъан сонг, Аллагь огъар бирдагъы керен гёрюне, ону шабагьатлай туруп,

О: – Сени атынг Якъуб, тек энниден сонг сагъа Якъуб деп айтмажакълар. Гьалиден сонг сени атынг Исрайылдыр! – дей. Шолай О огъар Исрайыл деген атны бере.

Параллельные места

Бытие 17:5

Бытие 32:28

Сени атынг да Ибрайим тюгюл, Ибрагьим болажакъ, неге тюгюл Мен сени кёп халкъланы ата-бабасы этежекмен. Шо заман О: – Энниден сонг сени атынг Якъуб тюгюл, Исрайыл болажакъ, неге тюгюл де сен Аллагь булан да, адамлар булан да ябушуп туруп, уьст гелип турдунг, – дей.

Аллагь огъар дагъы да булай дей: – Мен бары да затны Еси болгъан Аллагьман. Яшлар тапдырыгъыз ва артып йиберигиз! Сенден халкъ амалгъа гележек, кёп халкълар топланажакъ! Сени наслуларынгдан чыкъгъанлар пачалар болажакълар!

Ибрагьимге, Исгьакъгъа берген топуракъны да Мен сагъа, сени наслуларынга бережекмен.

Аллагь Якъубну ягъындан гете.

Якъуб онда Аллагь оьзю булан сёйлеген ерге сыйлы таш салып, шону уьстюне чагъыр ва зайтун май тёге.

Шо ерге о Бет-Эл деп ат тагъа.

Олар Бет-Элден чыгъып, Эфратагъа етише турагъанда, Рагьил тулгъакъ тутуп аврума башлай.

Рагьил яш табып болмай, бек инжинип тура. Шо заман энечи къатын огъар: – Къоркъма! Къара чы, сени бирдагъы бир уланынг бар! – дей.

Ахырынчы тынышын ала туруп, оьле турагъан Рагьил уланына Бен-Ани деп къоя. Тек атасы огъар Бениямин деп башгъа ат бере.

Рагьил шолай гечине. Ону Эфратагъа (гьали Байтлагьам деп айтылагъан) барагъан ёлну уьстюнде гёмелер.

Якъуб ону къабуруну уьстюне сыйлы таш сала. Рагьилни къабуруну уьстюндеги сыйлы таш шонда гьали де бар.

Исрайыл ёлун узата ва Мигьтал-Эдер деген ерден сонг чатырларын къура.

Шонда токътагъан заманны ичинде Рубим атасыны къатынларыны бириси Валла булан ювукълукъ эте. Шо гьакъда атасы билип къоя. Якъубну он эки уланы болгъан.

Лияны уланлары булардыр: Рубим (биринчи уланы), Симон, Левий, Ягьуда, Иссагьар ва Завулун.

Рагьилни уланлары булардыр: Юсуп ва Бениямин.

Рагьилни къаравашы Валладан болгъан уланлары булардыр: Дан ва Непталим.

Лияны къаравашы Зилпадан болгъан уланлары булардыр: Гат ва Ашир. Булар Якъубну Месопотамияда тувгъан уланларыдыр.

Якъуб атасы Исгьакъны ягъына Мамреге, Къыръят-Арбагъа (гьали шо ерге Гьеврон деп айтыла) геле. Шонда бир вакътилерде Ибрагьим ва Исгьакъ яшай болгъанлар.

Исгьакъ юз сексен йыл яшай.

О къарт болуп, яшавдан тазза тоюп, гечине ва ата-бабаларыны ягъына гёче. Атасын уланлары Исав ва Якъуб гёмелер.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода