Книга Бытие Cтих 22 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Рагьил буса Якъубгъа яш табып болмайгъанын гёрюп, къызардашын гюллеп тура. – Магъа яш бер, ёгъесе мен оьлежекмен! – дей о Якъубгъа.

Якъуб буса ачувланып, огъар: – Не эте, мен сагъа авлет бермейген Аллагь болуп къалгъанманмы? – деп жавап бере.

– Муна мени къаравашым Валла. Шону булан яшап тур, о магъа къучагъыма тутуп болардай яш тапсын. Шолайлыкъда мени оьзюмню яшларым болар! – дей Рагьил.

Рагьил эрине къатын этип къаравашы Валланы бере. Якъуб ону булан ювукълукъ эте.

О да айлы болуп, огъар улан таба.

– Аллагь магъа рагьму этди. О мени тилевюмню къабул этип, магъа улан берди – дей Рагьил. Улангъа о Дан деп къоя.

Валла къайтып айлы бола ва Якъубгъа бирдагъы улан таба.

– Мен къызардашым булан къаныгъып ябушдум, амма мен оьр чыкъдым, – дей Рагьил. Улангъа о Непталим деп къоя.

Шо заман Лия оьзюнден дагъы яш болмас деп ойлашып, Якъубгъа къатын этип къаравашы Зилпаны бере.

Зилпа Якъубгъа улан таба.

– Ишим тюзелди! – дей Лия. Улангъа Гат деп къоя.

Зилпа Якъубгъа экинчи уланын таба.

– Не насиплимен дагъы мен! Гьали энни къатынлар магъа насипли деп туражакълар, – дей Лия. Улангъа Ашир деп къоя.

Бир керен, оракъны заманында, Рубим авлакъда адамот таба ва анасы Лиягъа гелтире. Рагьил Лиягъа: – Уланынг тапгъан адамотну магъа бер, – дей.

– Эримни чыгъарып алгъанынг азмы? Гьали уланым табып гелген адамотну да алма сюемисен? – дей Лия. – Шо адамотну орнуна бу гече Якъуб сени булан ятсын, – дей Рагьил.

Шолай, ахшам Якъуб уьйге къайтгъанда, Лия ону алдына чыгъып, огъар: – Мени яныма гел. Мен сени къызардашымдан уланым тапгъан адамотну орнуна алдым, – дей. Шо гече Якъуб Лия булан ята.

Раббибиз де Лияны тилевюн къабул эте: о къайтып айлы бола ва Якъубгъа бешинчи уланын таба.

– Муну Аллагь магъа эриме къаравашымны берген саялы савгъат этип берди, – дей Лия. Уланына о Иссагьар деп къоя.

Лия къайтып айлы бола ва Якъубгъа алтынчы уланын таба.

– Аллагь магъа тизив савгъат берди! Гьали энни чи абурлажакъ эрим мени, мен огъар алты улан тапдым чы дагъы! – дей о. Уланына о Завулун деп къоя.

Сонг Лия къыз таба ва огъар Дина деп къоя.

Аллагь Рагьилни де унутмай, тилевюн къабул этип, ону яш табып болагъан эте.

Параллельные места

Бытие 8:1

Бытие 19:31

Аллагь Нугьну, ону булан бирче гемеде болгъан уьй ва къыр жанланы эсге ала. Аллагь ер юзюнде ел чыгъара ва сувлар аз болма башлай. Уллу къызы гиччисине булай дей: – Бизин атабыз къарт. Бу бютюн уьлкеде бизден яш болагъан кюйде бизин къатын этип алардай бир эргиши де ёкъ.

Рагьил айлы болуп, улан таба. – Аллагь мени авлетсиз къоймай, биябурлукъдан къутгъарды, – дей о.

Уланына Юсуп деп къоя ва: – Раббим магъа бирдагъы бир улан берсин дагъы! – деп тилей.

Юсуп тувгъан сонг, Якъуб Лабангъа булай дей: – Магъа уьюме, ватаныма, къайтма изну бер.

Оьзлер учун мен сагъа къуллукъ этген яшларымны да, къатынларымны да бер магъа. Мен сагъа яхшы къуллукъ этгенимни билесен!

– Тынгла магъа, ярай буса! Сени яхшылыгъынгдан Раббибиз мени шабагьатлады деген пал тюз чыкъгъанын билдим.

Айт чы, сен нечик гьакъ тёлегенимни сюесен? – дей огъар Лабан.

– Мен сагъа нечик яхшы къуллукъ этгенни, мени яхшылыгъымдан сиривлеринг нечакъы артып гетгенни оьзюнг билесен.

Мен гелгенде, гьайван-малынг кёп тюгюл эди, гьали, гёресен, нечакъы бар! Мен гелгенде, Раббибиз сени шолай шабагьатлады! Тек оьзюмню ожагъыма къачан ишлеме башлайым мен? – деп жавап бере Якъуб.

– Айт чы, нечик гьакъ бергенимни сюесен сен? – деп сорай Лабан. – Сенден магъа бир зат да тарыкъ тюгюл. Эгер де магъа мен айтагъанны этсенг, сиривлерингни дагъы да отлатып, сакълап туражакъман.

Гел, бугюн сиривлерингни айланып чыгъайыкъ. Мен сиривлерингден бары да увакъ, уллу дамгъалы, къара къойланы да, шолай да увакъ, уллу дамгъалы эчкилени де айырайым. Энниден сонг шолай къойлар, эчкилер сени магъа береген гьагъынг болуп токътар.

Мени гьалаллыгъымны тергеме сагъа тынч болажакъ: энниден сонг, эгер де сен гьакъ гьисапда мен не алгъан деп къарама гелип, менде увакъ, уллу дамгъасы ёкъ эчкини яда къара тюгюл къойну тапсанг, шоланы мен урлагъангъа гьисап этип къоярсан, – деп жавап бере Якъуб.

– Яхшы, сёйлешдик. Сен айтагъан кюйде болсун, – дей Лабан.

Амма шо гюнденокъ Лабан бары да ала-къула, дамгъалы эркечлени де, увакъ, уллу дамгъалы (акъ къашгъалары булангъы) эчкилени де, бары да къара къойланы да айырып, оланы уланларына бере.

Олар да Якъубдан юрюп уьч гюнден етеген ерге гетелер. Якъуб Лабанны къалгъан сиривлерин багъып тура.

О тал, бадам, уьрге тереклени яш бутакъларын алып, оланы къабугъун гьыз-гьыз этип ёна.

Сув ичме гелгенде, эчкилер, къойлар ёнулгъан бутакълагъа къарасын деп, шоланы олар сув ичеген ерге сала. Олар буса сув ичеген вакътисинде атылта болгъанлар.

Атылтагъан вакътисинде эчкилер гьыз-гьыз этилип ёнулгъан бутакълагъа къарайгъан саялы, оланы улакълары, къозулары ала-къула, увакъ ва уллу дамгъалы болуп тувалар.

Къойланы буса Якъуб айры сакълай, оланы Лабанны сиривлериндеги ала-къула ва къара къойларына къарап турардай буруп сала. Энни Якъубну оьзюню сиривлери бола, оланы о Лабанны сиривлеринден айры сакълай.

Къойланы инг тизивлери атылтагъан вакътисинде Якъуб сув ичеген ерге, къойлар шо чубукъланы ягъында атылтсын деп, бутакъланы оланы гёз алдына сала.

Къойланы осал тайпасы атылтагъанда буса, о бутакъланы салмай. Шолайлыкъда, осал къойлар Лабангъа тюше, тизив къойлар буса Якъубгъа тюше.

Якъуб мекенли бай болуп токътай. Ону къой ва эчки сиривлери, къуллары ва къаравашлары, тюелери ва эшеклери бола.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода