Книга Бытие Cтих 6 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Раббибиз Аллагь яратгъан жанланы арасындан йылан инг де гьиллачысы болгъан. О къатынгишиге: – Сизге Аллагь шу бавдагъы бир емишден де ашама къоймайгъаны тюзмю? – деп сорай.

Къатынгиши: – Бизге емишлерден ашама ярай.

Тек Аллагь шу бавну ортасындагъы терекни емишлеринден ашамагъыз, тийип де къарамагъыз, ёгъесе оьлежексиз деди, – дей.

Йылан къатынгишиге: – Оьлмежексиз.

Аллагь, сиз шо терекни емишлеринден ашагъанда, гёзлеригиз ачылып, Оьзю йимик яхшыны ямандан айырып билеген болуп къалажагъыгъызны биле, – дей.

Къатынгиши шо терекни емишлери ашама яхшы экенни, гёзге арив гёрюнегенни гёре ва терекни емиши оьзюн гьакъыллы эте деген зат ону айрокъда бек иштагьландыра. О емишни уьзюп алып ашай. Къатынгиши булан ону эри де болгъан. Емишден о эрине де бере, о да ашай.

Параллельные места

К Римлянам 5:12

1. Тимофею 2:14

Дюньягъа гюнагь бир гишиден таба гелди, гюнагь булан бирче буса оьлюм де гелди. Оьлюм де бары да инсанлар учун ортакъ болду, неге тюгюл бары да инсанлар гюнагь этдилер. Башлап алдатылгъан да Адам тюгюл; ялгъангъа инангъан ва гюнагь иш этген къатынгиши.

Оланы гёзлери ачылгъандай болуп къала. Оьзлени ялангъач экенин гёрюп, олар инжир терекни япыракъларындан байламлар этип, беллерине байлай.

Олар ахшам салкъында Раббибиз Аллагь бавда юрюйгенни эшитип, тереклени артына яшына.

Раббибиз Аллагь Адамны: – Сен къайдасан? – деп чакъыра.

– Сени бавдан гелегенингни эшитдим. Оьзюм ялангъач экенимден къоркъуп яшындым, – дей о.

– Ким айтды сагъа сен ялангъач экенингни? Мен сагъа ашама деген терекни емишлерин ашадынгмы? – деп сорай Раббибиз Аллагь.

– Сен магъа деп берген къатынгиши берди магъа шо емишлени, мен де ашадым, – дей Адам.

– Неге этдинг шону? – деп сорай Раббибиз Аллагь къатынгишиге. – Йылан алдатды мени, мен де ашадым, – дей о.

Йылангъа Раббибиз Аллагь булай дей: – Налат болсун сагъа да, этген ишинге де. Бары къыр жанланы ва гьайван-малны арасында, налатланып, къурсагъынгдан сюйкелип юрюп туражакъсан. Сав оьмюрюнг хум ашап туражакъсан.

Сени де, къатынгишини де ва сени наслуларынгны да, къатынгишини наслуларын да бир-биригизге душман этежекмен. Оланы наслулары сени башынгны янчып туражакъ, сен бусанг оланы табанындан тигип туражакъсан.

Къатынгишиге Раббибиз Аллагь: – Сени яшгъа токътагъан вакътингдеги азап чегивюнгню артдыражакъман; яшларынгны азап чеге туруп табажакъсан. Эринге гьасирет къалып туражакъсан, о буса сагъа гьакимлик этип туражакъ, – дей.

Адамгъа буса Раббибиз Аллагь булай дей: – Къатынгишиге тынглап, Мен сагъа ашама деген емишни ашап токътадынг! Гьали сен саялы топуракъ налатланды. Рызкъы болдурмакъ учун сен сав оьмюрюнг авур загьмат тёгюп туражакъсан.

О сагъа тегенеклер, чёп отлар оьсдюрежек. Сен авлакъ оьсюмлюклени ашап туражакъсан.

Тап сен оьзюнден алынгъан топуракъгъа гирип къалгъанча, авур загьмат тёгюп туражакъсан, рызкъынгны да тер тёге туруп табажакъсан. Сен хумсан, къайтып хумгъа айланып да къалажакъсан.

Адам къатынына Гьава деп къоя, неге тюгюл о яшайгъан бары да адамланы баш анасы болуп токътай.

Сакътияндан опуракъ этип, Раббибиз Аллагь Адамны ва ону къатынын гийиндире.

Раббибиз Аллагь: – Гьали яхшыны-яманны билеген болуп, адам Бизин бирибиз йимик болуп къалды. Гьали энни яшав береген терекни емишин де ашап, бир де оьлмейген болуп къалмагъай эди! – дей.

Оьзю алынгъан топуракъгъа къуллукъ этсин деп, Раббибиз Аллагь Адамны Эдемдеги бавдан къувалай.

Адамны къувалай, Эдемдеги бавну алдында буса, гюнчыгъыш ягъында, яшав береген терекге багъып элтеген ёлну сакъламакъ учун, макътавлу малайиклени ва дёгерек айланып турагъан ялынлы къылычны сала.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода