Веза Эла, къинхетаме хилахьа соьца, со гІел ма велла. Сан даьІахкашка зуз догІу, товехьа со.
Сингаттамо дахар а гІелдина сан, шераш а узарш деш дІадовлу сан. Аса къинош леторна, сан ницкъ а дІабаьлла, сан даьІахкаш а малъелла.
Суна чохь цІена дог кхоллахьа, Дела, суна чуьра тешаме са карладаккхахьа.
Когийн айрашна тІера хьеюккъе кхаччалц дийна меттиг яц хьан дегІа тІехь. ДегІа тІехь чевнаш ю, сурхаш евлла, делладелла даьІнаш ду. Уьш цІан ца дина, дІа ца дихкина, царна даьтта ца хьаькхна, лазар лахдархьама.