Ма исбаьхьа ду хьо, сан деган зезаг, ма исбаьхьа ду! Кирхьанна кІелара хьан бІаьргаш, кхокхарчий санна, эсала бу. ГалІад-лома тІера чуйогІучу гезарех тера ю хьан месаш.
Цуьнан бІаьргаш хина йистехь Іаш долчу кхокханех тера бу. Шури чохь луьйчуш ду и кхокхий, хин Іаьмнашна уллохь Іаш ду уьш.
Тирца-гІала санна, исбаьхьа ю хьо, сан деган зезаг, Ярушалайм санна, безаме ю, байракхашца долу эскар санна, инзаре ю.
Ма исбаьхьа, ма безаме ю хьо, сан хьомениг, сел тамехь хиларца!