Сакхатара дІа а бахана, яьссачу аренан йистехь лаьттачу Атамехь дІахІоттийра цара шайн меттамотт.
Атамера ара а бевлла, БаІал-Цепонна малхбалехь лаьтта Пи-ХІахьират йолчу дІабирзира уьш. Мигдол-меттигна уллохь дІахІоттийра цара шайн меттамотт.
Пи-ХІахьиратера ара а бевлла, хІорда юккъехула чекх а бевлла, яьссачу ара баьхкира уьш. Атам цІе йолчу яьссачу аренгахула кхаа дийнахь некъ а бина, Марра цІе йолчу меттигехь меттамотт дІахІоттийра цара.