Кхел ечу меттигашка нийсо юхайоьрзур ю, ткъа догцІена мел берш цунна тІаьхьахІуьттур бу.
ЛадогІа хІокхуьнга, Якъубан цІа, ЯхІудана тІера схьадогІуш долу Исраилан тІаьхье хьайх олуш долу. Ахьа Везачу Элан цІарах дуй а боу, Исраилан халкъан Везачу Далла Іамал а йо – бакъдолчуьнца а, нийсонца а иза ца дахь а.
ЛадогІа Соьга, бакъдерг девзаш дерш, Сан товрат-хьехам шайн дегнашкахь болу халкъ. Наха шайна кхиссарш ярх ма кхера, уьш шайх кхардарх а ма къахка.