ХІунда аьлча Хьуна хьалха хан яккха даьхкинарш ду тхо, кхелхина лелаш долу, тхайн хилла болу дай санна. ДІадолуш долу ІиндагІ санна, ду тхан кху лаьттара денош, тІаьхьало йолуш хІумма а дац кхузахь.
Билггал, адам гІаларт санна лела-кх. Эрна хІума а до цо, хьал а гулдо, ткъа иза хьанна кхочур ду цунна ца хаьа-кх.
Хьуна эзар шо селханлера де санна ду, буьйсанна ларйина хан санна ду.
Адам хьоькхучу махах тера ду, цуьнан дахар а дацлуш долу ІиндагІ ду.
Иштта, со кхийтира адамна, ша бечу балхах самукъа а доккхуш, гІадвахарал гІоле долуш кхин хІумма а доцийла. Иза цуьнан дакъа ду, хІунда аьлча цхьаммо а гойтур дац адамна кхелхинчул тІаьхьа цунах хиндерг.
Хиндолчух лаьцна хуург вац. Хьан эр дара хиндерг хІун ду?
Ткъа зуламаш лелочунна Делера дика а хир дац, иза, ІиндагІ санна, дукха а вехар вац, Делах ца кхоьруш ша лела дела.
Шуна ца хаьа, кхана хІун хир ду. ХІун ду шун дахар? КІеззигчу ханна деана а, юха дІадолу а дохк ду иза.