«Бакъ ду, со дика кхета ахь бохучух. Амма Далла хьалха адам нийса муха хир ду?
Нагахь цунна Цуьнца къовсавала лаахь, эзар хаттарна юккъера цхьанна а адаме жоп далалур дац.
Веза Эла со санна долу адам ма дац. Цундела сан аьтто бац Цунна жоп дала а, со Цуьнца цхьаьна кхеле ваха а.
Хьалха хилларг юха а хуьлу, ткъа хьалха диннарг юха а дийр ду, стигална кІел керла хІумма а дац.
Цхьаццаммо олу: „Хьажахьа, хІара керла хІума ду!“ Амма иза а хилла ширачу заманахь, вайн заманал дуккха а хьалха.
Яханчу заманахь хилларг карахь йолчу заманахь а хуьлу, ткъа тІейогІучу заманахь хиндерг, дІаяьллачу заманахь а хилла. Хьалха хилларг юхадерзориг Дела ву.
Декъаза ву ша Кхоьллинчуьнца къийсалуш верг, лаьттах йинчу кхабанашна юкъахь цхьаъ бен йоцург! Поппаро куьпчичуьнга хоттур дуй те: «Хьо хІун деш ву?» Йинчу хІумано ша йиначух эр дуй те: «Цуьнан куьйгаш дац»?
Веза Эла, аса гІуллакхна Хьан кхеле кхайкхахь, Хьо массо а хенахь бакъ ву. Делахь а, харцонах лаьцна хатта лаьа суна: Іесачеран аьтто хІунда боккху церан некъашкахь? Дерриг а тешаме боцу лелачеран синтем хІунда хуьлу?
Йордан-хин йистерачу боьлакаш юккъера лом токхечу дежийлашка схьадалар санна, Со схьавогІур а ву, цІеххьана эдомхой шайн махкара дІабовдуьйтур а бу. ТІаккха Сайна луъург а оцу махкана тІехІоттор ву Аса. Сох мила тарлур ву? Соьгара жоп деха мила ву? Муьлха жаІу валалур ву Суна дуьхьал?
Вай даьхьар дуй те Везачу Элан вайга эмгаралла хилийта? Цул а ницкъ болуш ду ткъа вай?