Книга 1. Паралипоменон Cтих 12 | Параллельные места

Лома тІера чу а воьссина, нах базбира Мусас. Цара шайн хІуманаш йиттира. Цо халкъе элира: «КхозлагІчу денна кийча а хила, шайн зударшна улло а ма гІо». «Даудан гІалахь» шена цІенош дайтира Дауда. ТІаккха цо, Делан тІорказ дІахІотто меттиг кеч а йина, цунна лерина четар дІахІоттийра. Везачу Элан тІорказ ша кечйинчу метте дІадахьийтархьама, берриг а исраилхой Ярушалайме схьагулбира Дауда. Пасахьана лерина беанчу Іахарна урс хьакха кечам бе. ЦІандаларца шаьш даз а дайтина, Везачу Эло Мусагахула аьлларг кхочуш а деш, и Іахар шайн вежаршна кечбе».

Левихой долчу аша дуьххьара Делан тІорказ шаьш ца лелийна дела, вайн Веза Дела чІогІа оьгІазвахара. И гІуллакх муха дан деза аьлла, вай дага ма ца девллера Цунах».

ТІаккха Исраилан халкъан Везачу Делан тІорказ схьадархьама, динан дай а, левихой а Далла хьалха цІанбелира.

Везачу Эло Мусагахула тІе-ма-диллара, левихоша Делан тІорказ шайн белшашна тІедехкинчу хьокхашца дІадаьхьира.

Дауда левихойн баьччанашка омра дира, левихойн тайпанах илланчаш дІахІиттабе аьлла, мукъам балочу гІирсашца – мерз-пондаршца а, дечиг-пондаршца а, вовшахдеттачу негІаршца а – иштта айдинчу озаца а цаьрга иллеш алийтархьама.

Левихоша дІахІоттийра Юалан кІант ХІайман а, цуьнан гергарчарах волчу Берех-ЯхІун кІант Асайп а. Ткъа мерарихойн тукхамах – Кхуша-ЯхІун кІант волу Этан дІахІоттийра.

Иштта церан кхиболу гергарнаш а дІахІиттийра: Закри-ЯхІу, Бени, ЯІзиал, Шамирамути, Яхьиал, Іуни, Элиаб, БенъяхІу, МаІсей-ЯхІу, Маттит-ЯхІу, Эли-ПалехІу, Макхни-ЯхІу, Іабади-Эдом, ЯІиал. Уьш кевнехь гІаролхой бара.

ХІаймана а, Асайпа а, Этана а цІестан негІаршца чІоггІа мукъам бало дезара.

Ткъа Закри-ЯхІус, Іазиала, Шамирамутис, Яхьиала, Іунис, Элиаба, МаІсей-ЯхІус, БенъяхІус лекхачу озаца мерз-пондарш лакха дезара.

Иштта, лохачу озаца а локхуш, дечиг-пондаршца мукъам бало безара Маттит-ЯхІус, Эли-ПалехІус, Макхни-ЯхІус, Іабади-Эдома, ЯІиала, Азаз-ЯхІус.

ТІаккха левихойн баьчча волу Ханан-ЯхІу, цуьнан корматалла йолу дела, илланчашна тІехь куьйгалхо дІахІоттийра.

Берех-ЯхІу а, Элкхан а бара бертан тІорказ дІахІоттийначу цІа чохь неІарехь гІарол деш.

Динан дайша Шабан-ЯхІус, Яшпатис, Натунаила, Іамсайс, Закри-ЯхІус, БенъяхІус, ЭлиІазара Делан тІорказна хьалха турбанаш локхура. Ткъа Іабади-Эдом а, Яхьи-ЯхІу а тІорказ долчохь гІарол деш вара.