Книга Откровение Cтих 13 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Откровение Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Менә бишенче фәрештә быргысын кычкыртты. Һәм мин күктән җиргә тѳшкән йолдызны күрдем. Аңа упкын коесының ачкычы бирелде.

Йолдыз упкын коесын ачып җибәрде. Гаять зур мичтән чыккан тѳтен кебек коедан күтәрелгән тѳтеннән кояш белән һава караңгыланды.

Тѳтеннән җиргә саранчалар чыкты. Аларга, җирдәге чаяннарда булган кебек, чагу сәләте бирелде.

Аларга җирдәге үләнгә, тѳрле яшеллеккә һәм тѳрле агачка зыян китермәскә, фәкать маңгайлары Аллаһы мѳһере белән мѳһерләнмәгән кешеләргә генә зарар китерергә боерылды.

Аңа кешеләрне үтермәскә, бары тик биш ай буе аларны газапларга хокук бирелде. Кешенең ул газаплары чаян чаккандагы кебек.

Ул кѳннәрдә кешеләр үлем эзләрләр, ләкин аны тапмаслар; үләргә теләрләр, әмма үлем алардан качар.

Саранчалар исә кыяфәте белән сугышка әзерләнгән атлар кебек иде. Аларның башларында алтын таҗ сыман нәрсә бар, ә йѳзләре кешенеке сыман иде.

Чәчләре хатын-кызныкы сыман, ә тешләре арысланныкы кебек иде.

Аларның ѳсләрендә тимер кѳбә сыман күкрәкчәләре бар иде, ә канатларының тавышы сугышка ыргып чапкан атлы сугыш арбаларыннан чыккан тавыш кебек иде.

Аларның чаянныкы кебек койрыклары һәм чаккычлары бар иде, һәм аларга шушы койрыклары белән биш ай буе кешеләрне газапларга хак бирелде.

Саранчаларның патшасы исә – упкын фәрештәсе; аның исеме яһүд телендә «Абаддун», грек телендә «Аполлуон».

Беренче кайгы үтте, менә аның артыннан тагын икесе килә!

Менә алтынчы фәрештә быргысын кычкыртты, һәм мин Аллаһы алдында торучы, хуш исле сумала яндыру ѳчен алтыннан ясалган изге ѳстәлнең дүрт мѳгезеннән килгән тавышны ишеттем.

Параллельные места

Откровение 8:3

Һәм алтын тѳтәсләү савыты тоткан бүтән фәрештә изге ѳстәл каршына килеп басты. Аңа тәхет алдындагы алтыннан ясалган изге ѳстәлгә Аллаһының барлык изгеләренең догалары белән бергә куярга дип, күп хуш исле сумала бирелде.

Ул тавыш исә быргысы булган алтынчы фәрештәгә: «Бѳек Фѳрат елгасы янында бәйләнгән дүрт фәрештәне азат ит», – диде.

Һәм, кешеләрнең ѳчтән бер ѳлешен үтерер ѳчен, бу сәгатькә, кѳнгә, айга һәм елга әзерләп тоткан фәрештәләр азат ителделәр.

Атлы гаскәрнең саны ике йѳз миллион иде. Мин аларның санын ишеттем.

Күренештә атларны һәм җайдакларны мин болай итеп күрдем: җайдакларның күкрәкчәләре уттай кызыл, куе зәңгәр һәм күкерт кебек саргылт тѳстә иделәр. Атларның башлары арыслан башы сыман, авызларыннан исә ут, тѳтен һәм күкерт бѳркелеп тора иде.

Кешеләрнең ѳчтән бер ѳлеше шушы ѳч бәла-казадан: атларның авызыннан чыккан уттан, тѳтеннән һәм күкерттән үтерелде.

Чѳнки атларның кѳче авызларында һәм койрыкларында; аларның койрыклары елан сыман һәм башлы иде. Шул башлары белән алар кешеләрне чагалар иде.

Бу бәла-казадан үлми калган кешеләр исә кылган гамәлләреннән тәүбә итмәделәр. Алар җеннәргә һәм күрә, ишетә, йѳри алмаган алтын, кѳмеш, бронза, таш һәм агач потларга табынуларыннан ваз кичмәделәр.

Бу кешеләр үзләренең үтерүләреннән, сихерләүләреннән, фәхешлекләреннән, урлашуларыннан тәүбә итмәделәр.

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Выбор основного перевода