Книга От Матфея Cтих 15 | Параллельные места

Ләкин күзләрең начар булса, бѳтен тәнең караңгы булыр. Әгәр синең эчеңдәге яктылык караңгылык була икән, ул чакта бу караңгылык нинди тирән була! зиначылыкка китерүче явыз ниятләр кешенең йѳрәгеннән килә; шуннан ук саранлык, кабәхәтлек, мәкерлек, әхлаксызлык, кѳнчелек, хурлау, тәкәбберлек, акылсызлык килә. Димәк, һәммәсе кемнеңдер теләгенә яки тырышлыгына түгел, бәлки шәфкать күрсәтүче Аллаһыга бәйле. Чүлмәкченең бер үк балчык кисәгеннән бер савытны махсус куллану ѳчен, ә икенчесен гадәти куллану ѳчен ясарга хокукы юкмыни?

Шулай, соңгылар беренче булырлар, ә беренчеләр исә соңгы булырлар, – диде Гайсә.

Иерусалимга таба барганда, Гайсә унике шәкертен читкә чакырып, аларның үзләренә генә әйтте:

– Без Иерусалимга барабыз. Адәм Улы баш руханилар һәм канунчылар кулына тотып биреләчәк, Аны үлемгә хѳкем итәчәкләр

һәм, мыскыллау, камчылату һәм хачка кадаклату ѳчен, мәҗүсиләр кулына тапшырачаклар. Әмма ѳченче кѳндә Ул үледән терелтеп торгызылачак.

Шуннан соң Зебедәйнең хатыны, уллары белән Гайсә янына килеп, Аның алдында тезләнде. Ул Аннан нәрсәдер сорарга теләде.

– Син нәрсә телисең? – дип сорады Гайсә.– Минем бу ике улым Синең Патшалыгыңда берсе уң ягыңа, икенчесе сул ягыңа утырачак, дип вәгъдә итсәң иде, – диде хатын.

– Сез нәрсә сораганыгызны белмисез, – диде Гайсә. – Мин эчәчәк касәдән эчә алырсызмы?– Алырбыз, – диделәр алар.

– Сез Минем касәмнән эчәрсез, ә уң ягыма яки сул ягыма утырырга рѳхсәт бирү Минем кулда түгел. Анда Атам тарафыннан билгеләнгәннәр утырачак.

Бу хакта ишеткәч, калган ун шәкертнең бу туганнарына каршы ачулары чыкты.

Ә Гайсә аларны чакырып алып:– Сез беләсез: халык җитәкчеләре халыклар ѳстеннән хакимлек итәләр һәм бѳекләр халыкларны үз куллары астында тоталар.

Ләкин сездә алай булмасын! Сезнең арагызда бѳек булырга теләүче башкаларга хезмәтче булсын,

һәм арагызда беренче булырга теләүче сезнең ѳчен кол булсын.