Книга От Луки Cтих 31 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

1

Гайсә Үзенең шәкертләренә әйтте:– Бер байның хуҗалыгы белән идарә итүчесе булган. Аның хакында байга: «Милкеңне туздырып бетерә», – дип килеп әйткәннәр.

2

Бай аны чакырып: «Мин синең хакта нәрсә ишетәм? Үзеңнең идарәң хакында хисап бир, чѳнки моннан ары син минем хуҗалыгым белән идарә итә алмыйсың», – дигән.

3

Шунда идарә итүче: «Инде нәрсә эшләргә? Хуҗам мине идарә эшеннән азат итә. Җир казырга кѳчем юк, хәер сорашырга оялам.

4

Хуҗалык белән идарә итү эшеннән чыгарылгач, кешеләр мине үз йортларына кабул итсеннәр ѳчен, хәзер нәрсә эшләргә кирәген беләм», – дип уйлаган.

5

Шуннан ул, хуҗасына бурычлары булган кешеләрне бер-бер артлы чакырып, беренчесеннән: «Минем хуҗама синең күпме бурычың бар?» – дип сораган.

6

Теге аңа: «Йѳз үлчәү май тиешмен», – дигән. Идарә итүче аңа: «Бурыч кәгазеңне ал да, тиз генә утырып, илле үлчәү, дип яз», – дигән.

7

Аннары икенчесеннән: «Ә синең күпме бурычың бар?» – дип сораган. Ул аңа: «Мең үлчәү бодай», – дигән. Идарә итүче: «Бурыч кәгазеңне ал да, сигез йѳз үлчәү, дип яз», – дигән.

8

Ә хуҗа намуссыз идарәчене тапкырлыгы ѳчен мактаган. Чѳнки бу дѳнья кешеләре үзе кебекләр белән эш кылганда, яктылык кешеләренә караганда тапкыррак.

9

Сезгә әйтәм: җирдәге байлык белән үзегезгә дуслар булдырыгыз. Шулай эшләсәгез, байлык беткәч, мәңгелек яшәү урынына кабул ителерсез.

10

Кечкенә нәрсәдә ышанычлы булган зур нәрсәдә дә ышанычлы булыр, ә кечкенә генә нәрсәдә ышанычсыз булган зур нәрсәдә дә ышанычсыз булыр.

11

Шулай итеп, сез җирдәге байлык белән ышанычлы эш йѳртмисез икән, чын байлыкны сезгә кем әманәт итәр?

12

Әгәр дә сез башкалар милке белән ышанычлы эш итмисез икән, үзегезнекен сезгә кем бирер?

13

Берәү дә ике хуҗага хезмәт итә алмас: берсен яратмас, ә икенчесен яратыр; берсенә тугры булыр, ә икенчесен санга сукмас. Аллаһыга да, байлыкка да берьюлы хезмәт итә алмассыз.

14

Фарисейләр боларның барысын да ишеттеләр һәм үзләре акча яратканлыктан, Гайсәдән мыскыл итеп кѳлештеләр.

15

Ул аларга әйтте:– Сез кешеләр алдында үзегезне яхшы итеп күрсәтәсез, әмма Аллаһы сезнең күңелегезне белә; кешеләр югары бәя биргән нәрсә – Аллаһы каршында җирәнгеч.

16

Муса канунының һәм пәйгамбәрләрнең заманы Яхъя пәйгамбәр килгәнгә кадәр булды; шуннан бирле Аллаһы Патшалыгы хакында Яхшы хәбәр таратыла, һәм һәркем анда бик зур тырышлык куеп керә.

17

Әмма күк һәм җир бетсә дә, канунның бер генә сызыгы да юкка чыкмаячак.

18

Үз хатынын аерып, башка хатынга ѳйләнүче һәркем зина кыла; һәм иреннән аерылган хатынга ѳйләнүче дә зина кыла.

19

– Кайчандыр бер бай булган. Ул бик кыйммәтле киемнәр генә кигән һәм һәр кѳнне зиннәтле мәҗлесләр үткәргән.

20

Ә аның капка тѳбендә бѳтен тәне җәрәхәтләр белән капланган Лазар исемле бер фәкыйрь ята икән.

21

Ул бай табыныннан тѳшкән сынык-саныклар белән тукланырга теләгән. Хәтта янына этләр килеп, аның җәрәхәтләрен ялыйлар икән.

22

Кѳннәрдән беркѳнне фәкыйрь вафат булган һәм фәрештәләр аны Ибраһим янына илткәннәр; бай да үлгән, аны күмгәннәр.

23

Бай тәмугта газап чиккән вакытта, башын күтәреп караган һәм еракта Ибраһимны, аның янында Лазарны күргән.

24

Шунда кычкырып: «Ибраһим атам, миңа шәфкать күрсәтче, Лазарны яныма җибәрче, ул бармак башын суга чылатып, минем телемне суытсын иде, чѳнки мин бу ялкында бик каты газап чигәм», – дигән.

25

Әмма Ибраһим аңа әйткән: «Углым! Исеңә тѳшер, син тормышыңда бар рәхәтне татыдың инде, ә Лазар михнәт чикте; хәзер исә ул монда юаныч күрә, ә син газап чигәсең.

26

Моннан тыш, безнең белән сезнең арада зур упкын бар, шунлыктан моннан сезнең якка чыгарга теләүче чыга алмас, сезнең яктан да бу якка беркем дә чыга алмас».

27

Бай исә әйткән: «Атам, алайса, зинһар ѳчен, Лазарны атам йортына җибәрче,

28

чѳнки минем биш туганым бар: ул аларны кисәтсен, алар да бу газаплану урынына эләкмәсеннәр иде».

29

Ибраһим аңа әйткән: «Аларда Муса һәм пәйгамбәрләр бар; шуларны тыңласыннар».

30

Бай исә әйткән: «Юк, Ибраһим атам. Ә менә үлгәннәрдән берәү терелеп, алар янына барса, тәүбә итәрләр иде».

31

Ә Ибраһим аңа әйткән: «Алар Мусаны һәм пәйгамбәрләрне тыңламыйлар икән, хәтта, берәү үледән терелсә дә ышанмаслар».

Параллельные места

От Иоанна 11:44

Шул вакыт үлгән кеше килеп чыкты. Аның куллары һәм аяклары кәфен белән уралган, йѳзе яулык белән капланган иде. Гайсә:– Чишегез аны, йѳрсен, – диде.

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода