Книга От Иоанна Cтих 6 | Параллельные места

Барлык яһүдләр кебек үк, фарисейләр, гадәткә кертелгәнчә, ата-бабадан килгән йолаларны үтәп, кулларын юмыйча ашарга утырмыйлар. Базардан кайту белән дә юынмыйча ашарга утырмыйлар. Һәм бик күп башка нәрсәләрне, мәсәлән, касәләрне, чүлмәкләрне, бакырдан эшләнгән савытларны юуга караган күрсәтмәләрне үтиләр. Яхъя пәйгамбәрнең шәкертләре белән бер яһүд кешесе арасында пакьләнү йоласы турында бәхәс чыккач,

Гайсә хезмәтчеләргә:– Чүлмәкләрне су белән тутырыгыз, – дип әйткәч, алар чүлмәкләрне мѳлдерәмә итеп тутырдылар.

Шуннан соң Гайсә аларга:– Инде чумырып алыгыз да туй башлыгына илтеп бирегез, – диде.Алар илтеп бирделәр.

Туй башлыгы шәрабның кайдан икәнен белми иде. Бу турыда суны чумырып алган хезмәтчеләр генә белә иде. Туй башлыгы, шәрабка әйләнгән суны татып карагач, кияүне үз янына чакырып алып:

– Башта һәркем яхшы шәраб бирә, ә инде җитәрлек эчелгәч, начаррагын китерә; ә син яхшы шәрабны иң соңга калдыргансың, – диде.

Шулай итеп, Гәлиләянең Кәна шәһәрендә могҗизалы галәмәтләрен башлап җибәреп, Гайсә Үзенең данын күрсәтте, һәм шәкертләре Аңа иман китерделәр.

Шуннан соң Ул, анасы, энеләре һәм шәкертләре белән бергә Кәпәрнаум шәһәренә килеп, берничә кѳнгә анда калды.

Яһүдләрнең Коткарылу бәйрәме якынлашкач, Гайсә Иерусалимга килде.

Ул андагы Аллаһы Йортында үгез, сарык, күгәрчен сатучыларны һәм акча алмаштырып утыручыларны күргәч,

баудан чыбыркы үреп, барысын да – сарыкларны да, үгезләрне дә – Аллаһы Йортыннан куып чыгарды. Акча алмаштыручыларның ѳстәлләрен аударып ташлап, акчаларын чәчеп җибәрде.

Күгәрчен сатучыларга:– Боларны моннан алып китегез! Минем Атамның йортын базарга әйләндермәгез! – диде.

Аның шәкертләре: «Мине Синең йортыңа булган мәхәббәт газаплый», – дип язылган сүзләрне исләренә тѳшерделәр.

Шуннан, яһүдләр Гайсәдән:– Болай эшләргә хокукың барлыгын безгә нинди галәмәт белән исбат итә аласың? – дип сорадылар.