Книга К Римлянам Cтих 10 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

К Римлянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

К Римлянам

Следующая →

1 2 3 4 5 6 7 8 9 10 11 12 13 14 15 16

Имандашлар, сез канунны белгәнлектән, хәзер әйтәсе сүзләремне сез белергә тиеш: кеше исән вакытта гына аның ѳстеннән канун хакимлек итә.

Мәсәлән, кияүдәге хатын ире исән чакта канун буенча ире белән бәйләнгән; ә ире үлсә, хатын үзен иренә бәйләп торучы кануннан азат ителә.

Шуңа күрә, ире исән чакта, башка ир-атныкы булса, зина кылучы дип аталачак; ә инде ире үлсә, хатын бу кануннан азат ителә һәм башка берәүгә кияүгә чыкса да зина кылучы булмый.

Менә шулай сез дә, имандашларым, Аллаһыга хезмәт итүдә файдалы булыйк дип, башка Берәүнеке, ягъни үледән терелтелгән Мәсихнеке булу ѳчен, Аның тәне аркылы Муса канунына карата үлдегез.

Чѳнки кешелек табигатебез йогынтысы астында булган чакта, канун уяткан гѳнаһлы нәфесләр безнең әгъзаларыбызда эш иттеләр, һәм без кылган һәммә нәрсәнең нәтиҗәсе үлем булды.

Әмма хәзер, элек безне бәйләп торган канунга карата үлгәч, бу кануннан азат булдык һәм хәзер Аллаһыга искечә – язылган канун буенча түгел, бәлки яңача – Рух буенча хезмәт итәбез.

Инде нәрсә әйтик? Әллә канун гѳнаһмы? Һич тә юк! Әмма мин гѳнаһны канун аркылы гына белдем. Әгәр канун: «Башка кешенекенә нәфесеңне сузма», – димәсә, мин нәфесләнүнең нәрсә икәнен аңламаган булыр идем.

Әмма гѳнаһ, бу әмердән файдаланып, миндә һәртѳрле нәфес теләкләре уятты. Кануннан башка, гѳнаһ үле.

Кайчандыр мин кануннан башка яши идем; әмма Аллаһы тарафыннан әмер бирелгәч, гѳнаһ терелде,

һәм мин үлдем. Шулай итеп, яшәү китерергә тиешле әмер чынлыкта исә үлем китерде.

Параллельные места

К Римлянам 10:5

Канунны үтәү аркылы Аллаһы алдында хак булу турында Муса болай дип яза: «Канун таләпләрен үтәүче кеше алар белән яшәячәк».

Чѳнки, әмерне сылтау итеп, гѳнаһ мине алдады һәм шуның белән әмер ярдәмендә мине үтерде.

Шулай булгач, канун – изге; әмер дә изге, гадел һәм яхшы.

Шулай итеп, яхшы нәрсә миңа үлем китердемени? Һич тә алай түгел! Әмма гѳнаһ, гѳнаһ булып танылсын ѳчен, яхшы нәрсә аркылы миңа үлем китерде. Һәм гѳнаһ әмер аркылы чиктән тыш гѳнаһлы булды.

Без беләбез, канун – рухи; ә мин – дѳньяви, гѳнаһка кол итеп сатылганмын.

Хәтта нәрсә эшләвемне дә аңламыйм; чѳнки теләгәнемне түгел, бәлки нәфрәт иткәнемне эшлим.

Ә инде үзем теләмәгәнне эшлим икән, канун яхшы дип, аның белән килешәм.

Шулай булгач, инде моны үзем түгел, бәлки миндә яши торган гѳнаһ эшли.

Чѳнки беләм: миндә, ягъни кешелек табигатемдә, һичнинди яхшы нәрсә юк; хәер, миндә яхшылык кылу теләге бар, әмма аны тормышка ашыра алмыйм.

Эшләргә теләгән яхшылыкны түгел, бәлки теләмәгән явызлыкны эшлим мин.

Теләмәгән нәрсәне эшлим икән, инде аны мин түгел, бәлки миндә яшәүче гѳнаһ эшли.

Шулай итеп, моннан шундый кагыйдә табам: мин яхшылык эшләргә телим, ләкин яманлыктан арына алмыйм.

Эчемнән Аллаһы канунына шатланам,

әмма үз тәнемдә башка бер канунның эш итүен күрәм. Бу канун акылым хуплаган канунга каршы кѳрәшә һәм мине үземдә эш итүче гѳнаһ канунына буйсындыра.

Мескен кеше мин! Үлем китерүче бу тәннән мине кем коткарыр?

Мине Раббыбыз Гайсә Мәсих аркылы коткаручы Аллаһыга шѳкер! Менә мин акылым белән Аллаһы канунына, ә кешелек табигатем белән гѳнаһ канунына хезмәт итәм.

← Предыдущая

К Римлянам

Следующая →

1 2 3 4 5 6 7 8 9 10 11 12 13 14 15 16

Выбор основного перевода