Книга К Евреям Cтих 11 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

К Евреям Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

К Евреям

Следующая →

1 2 3 4 5 6 7 8 9 10 11 12 13

Безнең тирә-ягыбызда шаһитләр шулкадәр күп! Шуңа күрә, әйдәгез, юлыбызда торган бар киртәне алып ташлыйк, безне җиңел генә алдап йѳртүче гѳнаһларны калдырыйк һәм үзебезгә билгеләнгән ярыш юлын сабырлык вә ныклык белән йѳгереп үтик.

Гайсәдән – иманны Барлыкка китерүче вә Камилләштерүчедән күзебезне һәрдаим алмый торыйк. Үзен киләчәктә кѳткән шатлык хакына хачка кадаклану хурлыгына игътибар итмичә, Ул хачта үлүне кичерде, хәзер менә Аллаһы тәхетенең уң ягында утыра.

Гѳнаһлылар тарафыннан шундый каршылыкны кичергән Гайсә турында уйлагыз; бу күңелегезне тѳшермәскә һәм Аллаһыга ышанудан туктамаска ярдәм итәр.

Сезнең әле гѳнаһка каршы сугышта кан түккәнче каршылык күрсәткәнегез булмады.

Ата кеше үз балаларына эндәшкән сыман, Аллаһы сезгә: «Улым Минем, Раббың шулай тәрбияләгәнгә гамьсез карама, гаебеңне күрсәткәндә күңелеңне тѳшермә.

Раббы Үзе яраткан кешеләрне үгетләп тѳзәтә вә улы дип кабул иткән һәр кешене тәрбияли», – дигән дәртләндерү сүзләрен оныткансыз.

Сезнең газап чигүегез тәрбияләнүгә алып килә. Бу – Аллаһы сезгә Үз балалары итеп карый дигән сүз. Атасы тәрбия бирмәгән бала бармыни?

Әгәр дә сез һәркем үтәргә тиешле тәрбияне үтмисез икән, димәк, сез чын угыллар түгел, ә җилдән туган балалар.

Моннан тыш, безнең һәммәбезнең дә җирдә безне тәрбияләгән аталары булды һәм без аларны ихтирам итә идек. Ә рухларыбызның Атасына без тагын да ныграк буйсынырга тиеш түгелмени? Аңа колак салу безгә яшәү бирә бит!

Безнең аталарыбыз безне беркадәр вакыт буена, үзләре иң яхшы дип тапкан, ләкин бик үк камил булмаган чаралар белән тәрбиялиләр, ләкин Аллаһы безне, Аның изгелегенә катнаша алсыннар дип, үз иминлегебез хакына тәрбияли.

Безне тәрбияләгәндә бу гамәл шатлык түгел, ә авырту китерүче чара булып күренә. Ләкин соңрак тәрбия узган кешеләргә ул уңыш китерә: имин вә Аллаһыга мәгъкуль тормыш бирә.

Параллельные места

2. Коринфянам 4:17

2. Коринфянам 4:18

Чѳнки кыска вакытлы җиңелчә газап чигүебез безнең ѳчен чиктән тыш зур мәңгелек дан китерә. Без күренгәнне түгел, бәлки күренмәгәнне карыйбыз, чѳнки күренгән нәрсә вакытлыча, ә күренмәгәне – мәңгелек.

Шуңа күрә хәлсез кулларыгызны, калтыранган кѳчсез тезләрегезне ныгытыгыз.

Аксаучы аяк тәмам имгәнмәсен, киресенчә, сәламәт булсын ѳчен, туры юлдан йѳрегез.

Барлык кеше белән тынычлыкта яшәргә һәм изге булырга омтылыгыз, чѳнки изге булып яшәмәсә, беркем дә Аллаһыны күрмәячәк.

Карагыз аны, беркем дә Аллаһының мәрхәмәтеннән мәхрүм калмасын; ачы тамырлы үлән үсеп чыгып, беркемгә дә бәла-каза китерерлек булмасын һәм күпләрне нәҗесләмәсен.

Карагыз аны, беркем дә җенси йѳгәнсезлеккә бирелмәсен, бер ашарлык аш ѳчен, олы угыл буларак бирелергә тиешле хокукларны саткан Эсау кебек, әхлаксыз тормыш белән яшәмәсен.

Белгәнегезчә, соңыннан ул фатиха алырга теләгән, ләкин кире кагылган. Бу хакта күз яшьләре белән сораса да, булган хәлне берничек тә үзгәртә алмаган.

Сез кагылырга мѳмкин булган, дѳрләп янган Синай тавына – караңгыга да, давылга да килмәдегез.

Сез быргы тавышына да, тыңлаучылар бүтән ишетергә теләмәгән сүзләр сѳйләүче тавышка да килмәдегез. Ул сүзләрне ишеткән кешеләр боларны бүтән сѳйләмәүне үтенгәннәр,

чѳнки алар: «Хәтта бу тауга хайван кагылса да, аны ташлар атып үтерергә тиешле», – дигән боеру сүзләренә түзә алмаганнар.

Бу күренеш шундый куркыныч булган, хәтта Муса да: «Мин куркуымнан тетрәнәм», – дигән.

Юк! Сез Сион тавына, күктәге Иерусалимга – тере Аллаһы шәһәренә килдегез! Сез шатлыклы тантанага җыелган меңләгән фәрештәләр янына килдегез.

Сез исемнәре күккә язып куелган беренче туган балалар җыенына килдегез. Сез Аллаһыга, бар кешене Хѳкем кылучы янына, камилләштерелгән тәкъва кешеләрнең рухлары янына килдегез.

Сез яңа килешүне Урнаштыручы булган Гайсә янына вә Аның Һабил каныннан әйбәтрәк сѳйләүче сибелгән каны янына килдегез.

Карагыз аны, үзегезгә сѳйләүче Аллаһыны кире какмагыз. Җирдә сѳйләгән чагында кешеләр Аны тыңламаган ѳчен җәзасыз калмаган икән, күктән торып кисәткәндә Аңардан баш тартсак, без тагын да зуррак җәзага дучар булачакбыз.

Ул чагында Аның тавышы җирне дер селкетте, ләкин Ул хәзер: «Мин җирне тагын бер тапкыр тетрәтәм, һәм җирне генә түгел, күкне дә», – дип вәгъдә итә.

«Тагын бер тапкыр» дигән сүзләр шуны белдерә: тотрыклы нәрсәләр генә калсын ѳчен, һәр тотрыксыз, ягъни, бар ителгән нәрсә юкка чыгарылачак.

Безгә какшамас патшалык бирелә, шуңа күрә, әйдәгез, рәхмәтле булыйк һәм Аллаһыга мәгъкуль рәвештә тирән ихтирам белән, куркынып Аңарга табыныйк,

чѳнки безнең Аллаһыбыз – йота торган ут.

← Предыдущая

К Евреям

Следующая →

1 2 3 4 5 6 7 8 9 10 11 12 13

Выбор основного перевода