Книга Иакова Cтих 15 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Иакова Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Иакова

Следующая →

1 2 3 4 5

Имандашларым минем, иң бѳек Раббыбыз Гайсә Мәсихкә иман итүчеләр буларак, һәркемгә тигез карагыз.

Әйтик, җыелышыгызга бай киенгән, алтын балдаклы кеше һәм шулай ук тузган кием кигән ярлы кеше дә килә, ди.

Бай киенгән кешегә аерым игътибар биреп: «Менә монда, бу яхшы урынга утырыгыз», – дип әйтсәгез, ярлыга исә: «Әнә тегендә бас» яисә «Аягым очына утыр», – дисәгез,

үз арагызда бер-берегезне аерып карыйсыз һәм, начар фикерләргә таянып, хѳкем итүче хаким кебек буласыз түгелме?

Тыңлагыз, сѳекле имандашларым! Аллаһы иманга бай булырга һәм Үзен яратучыларга Үзе вәгъдә иткән Патшалыкны кабул итәргә дѳнья күзлегеннән караганда ярлы булып күренгәннәрне сайлады түгелме?

Ә сез исә ярлыларны мәсхәрәлисез! Сезне җәберләүчеләр һәм хакимнәр алдына сѳйрәүчеләр – байлар түгелмени инде?

Мәсихнең яхшы исемен яманлыйлар түгелме алар? Ә Аллаһы сезне бу исем белән атады.

Әгәр сез чыннан да Изге язмада әйтелгән: «Якыныңны үзеңне яраткан кебек ярат» дигән Аллаһы Патшалыгы канунын үтисез икән, дѳрес эшлисез.

Ләкин әгәр һәркемгә дә тигез карамыйсыз икән, сез гѳнаһ кыласыз һәм канун сезне канун бозучылар дип атап хѳкем итә.

Канунны бѳтен килеш тотучы аның бер генә таләбен үтәмәсә дә, тулысынча канунны бозуда гаепле.

Чѳнки «Зина кылма» дип әйткән Аллаһы шулай ук «Үтермә» дип тә әйткән. Һәм шуңа күрә дә, әгәр зина кылмасаң, ләкин үтерсәң, син канунны бозучы буласың.

Иреклелек кануны буенча хѳкем ителәсе кеше буларак сѳйлә һәм гамәл кыл.

Чѳнки рәхимлелек күрсәтмәгәннәргә хѳкем рәхимсез булачак. Рәхимлелек исә хѳкемнән ѳстен тора!

Әгәр кем дә булса: «Мин иман итәм», – дип әйтә, ә эштә күрсәтми икән, имандашларым, моннан ни файда? Андый иман аны коткара аламы?

Әгәр имандаш ир-ат яки хатын-кыз киемгә яки ризыкка мохтаҗ булып, сезнең берәрегез:

Параллельные места

От Луки 3:11

Яхъя аларга:– Ике күлмәге бар кеше берсен бер күлмәге дә булмаганга бирсен. Кемнең ризыгы бар, ашарына булмаган кеше белән бүлешсен, – дип җавап бирде.

«Иминлек белән китегез. Җылыныгыз һәм яхшы итеп тукланыгыз!» – дип әйтсә, әмма аларга тормышта кирәк булган нәрсәләрне бирмәсә, бу сүзләрдән ни файда?

Иман белән дә шулай ук. Әгәр дә иман, үзенә лаеклы гамәлләр белән бергә булмыйча, үзе генә булса, ул үле.

Ләкин кемдер: «Синең иман, ә минем эшләр бар!» – дип әйтер. Син миңа үзеңнең иманыңны гамәлләрдән башка күрсәт. Ә мин сиңа үз иманымны кылган гамәлләрем белән күрсәтермен!

Син Аллаһының бер булуына ышанасың. Яхшы! Хәтта җеннәр дә моңа ышана һәм калтырап тора.

Әй, син, тѳпсез кеше! Гамәлсез иманның файдасыз булуына дәлилләр телисеңме?

Әллә атабыз Ибраһим үзенең улы Исхакны, корбан китерү урынына корбан рәвешендә тәкъдим итеп, эш-гамәлләре белән Аллаһы тарафыннан акланмаганмы?

Күрәсең ки, аның иманы кылган гамәлләре белән бергә барган һәм шул гамәлләре аркылы иманы камил булган.

Изге язмада язылган: «Ибраһим Аллаһыга ышанды, һәм моның белән Аллаһы тарафыннан хак саналды», – дигән сүзләр тормышка ашты. Шулай итеп, ул «Аллаһы дусты» дип аталды.

Кешенең Аллаһы тарафыннан иман белән генә түгел, бәлки кылган гамәлләре белән аклануын күрәсез.

Хәбәрчеләрне сыендырып һәм аларга башка юлдан качарга ярдәм итеп, уйнашчы хатын Рәхәб шулай ук кылган гамәленә карап Аллаһы тарафыннан акланды.

Шулай итеп, җансыз тән үле булган кебек, кылган гамәлдән башка иман да үле.

← Предыдущая

Иакова

Следующая →

1 2 3 4 5

Выбор основного перевода