Книга Деяния Cтих 17 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

1

Шуннан соң Паул Афинадан китте һәм Кѳринт шәһәренә килде.

2

Ул анда Әкүл атлы бер яһүдне һәм аның Прискиллә исемле хатынын очратты. Кләүди кайсар барлык яһүдләргә Римнан китәргә әмер биргәнгә күрә чыгышы белән Понт шәһәреннән булган Әкүл күптән түгел хатыны белән Италиядән килгән иде. Паул алар янына барды.

3

Һѳнәрләре бер үк булганлыктан Паул алар янында калды һәм алар белән бергә эшләде. Аларның кәсебе чатыр кору иде.

4

Һәр шимбә кѳнне ул гыйбадәтханәдә, яһүдләрне һәм грекларны инандырырга тырышып, алар белән сѳйләшеп утырды.

5

Силас белән Тимуте Македуниядән килгәч, Паул бѳтен вакытын, Гайсәнең Мәсих икәнлеге хакында шаһитлек биреп, яһүдләргә вәгазь сѳйләүгә багышлады.

6

Әмма яһүдләр аңа каршы чыгып, яман телләнә башлагач, ул, киемендәге тузанны кагып, аларга: – Үз каныгызга үзегез гаепле булырсыз. Минем ѳстән җаваплылык алына. Мин башка халыклар янына вәгазь сѳйләргә китәм, – диде.

7

Ул, гыйбадәтханәдән чыгып, якында гына яшәүче, Аллаһыны хѳрмәт итә торган Тити Юсты атлы кешенең йортына керде.

8

Гыйбадәтханә башлыгы Криспи исә үзенең бѳтен гаиләсе белән Раббыга иман китерде. Паулның сѳйләгәнен ишеткән күп кенә кѳринтлеләр иман китерделәр һәм суга чумдырылу йоласын үттеләр.

9

Бервакыт тѳнлә белән Паул илаһи күренеш күрде. Күренештә Раббы аңа: – Курыкма! Сѳйләвеңне дәвам ит һәм туктама.

10

Чѳнки Мин синең белән, һәм беркем дә һѳҗүм итеп сиңа зыян китермәячәк. Бу шәһәрдә Минем күпсанлы халкым бар, – диде.

11

Паул, иман итүчеләрне Аллаһы сүзенә ѳйрәтеп, Кѳринттә ел ярым яшәде.

12

Ахаядә Гәллиун ѳлкә башлыгы булган вакытта яһүдләр, берләшеп, Паулга һѳҗүм иттеләр һәм аны, тотып, хѳкем урыны алдына алып килделәр.

13

– Ул кешеләрне канунга каршы рәвештә Аллаһыга табынырга ѳйрәтә, – диделәр.

14

Паул сүзен башларга гына теләгән иде, Гәллиун яһүдләргә: – Яһүдләр! Әгәр нинди дә булса явыз эш яки җинаять кылынган булса, сезне тыңлау ѳчен сәбәп булыр иде.

15

Әмма сүзләр, исемнәр һәм сезнең кануныгыз хакында сүз барганга күрә, бу мәсьәләне үзегез хәл итегез. Мин мондый эшләрне хѳкем итәргә теләмим, – диде

16

һәм аларны хѳкем урыныннан куып чыгарды.

17

Хѳкем урыны каршында анда булган кешеләр гыйбадәтханә башлыгы Состенисне тотып кыйнадылар. Ә Гәллиунның моңа исе дә китмәде.

Параллельные места

1. Коринфянам 1:1

Аллаһы ихтыяры белән Мәсих Гайсәнең рәсүле булырга чакырылган Паулдан, Состенис имандаштан

18

Паул, тагын шактый гына кѳннәр Кѳринттә булганнан соң, туганнар белән хушлашып, су юлы белән Суриягә китте. Прискиллә һәм Әкүл дә аның белән киттеләр. Юлга чыгар алдыннан, нәзер биргәнгә күрә, Паул Кенхерәйдә чәчен алдырды.

19

Эфескә килеп җиткәч, юлдашларыннан аерылып, Паул гыйбадәтханәгә китте һәм яһүдләр белән сѳйләшеп утырды.

20

Алар аңардан үзләре янында күбрәк вакытка калуын сорадылар, ләкин ул риза булмады.

21

Туганнар белән саубуллашып: – Аллаһы теләсә, тагын килермен, – диде Паул. Шуннан соң ул су юлы белән Эфестән китте.

22

Кайсариягә килеп җиткәч, корабтан тѳшеп Иерусалимга килде, андагы бердәмлекне сәламләде һәм Антиухеягә китте.

23

Анда бераз вакыт торганнан соң, Паул юлга чыкты. Барлык шәкертләрне иманда ныгытып, Гәләтия һәм Фругия аша үтте.

24

Эфескә чыгышы белән Искәндәриядән булган Апуллус атлы бер яһүд килде. Ул телгә оста, Язманы белә

25

һәм Раббы юлына ѳйрәтелгән иде. Яхъя кылдырган чумдыру йоласы турында гына белсә дә, зур рухлану белән Раббы хакында дѳрес итеп сѳйләде һәм ѳйрәтте.

26

Ул гыйбадәтханәдә бик кыю сѳйләде. Прискиллә белән Әкүл, Апуллусның сѳйләгәннәрен ишетеп, аны үзләре янына чакырып алдылар һәм Аллаһы юлы турында тулырак аңлаттылар.

27

Ул Ахаягә китәргә ният белдергәч, туганнар аны дәртләндерделәр һәм андагы шәкертләргә Апуллусны кабул итүләрен сорап хат яздылар. Апуллус анда килгәч, Аллаһы мәрхәмәте аркылы иман итүчеләргә күп ярдәм күрсәтте.

28

Чѳнки ул, Изге язмада язылганнар белән, Гайсәнең Мәсих икәнлеген исбатлап, бѳтен халык алдында яһүдләр сѳйләгән сүзләрнең дѳрес түгеллеген ышандырырлык итеп күрсәтеп бирде.

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода