Книга Деяния Cтих 2 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

1

Икүниунда Паул белән Барнаб, гадәттәгечә, яһүдләр гыйбадәтханәсенә керделәр. Аларның тәэсирле итеп сѳйләүләреннән бик күп яһүдләр һәм башка халык кешеләре Раббыга иман китерделәр.

2

Ә иман китермәгән яһүдләр яһүд булмаганнарны иман китергән туганнарына каршы котырттылар.

Параллельные места

Деяния 13:45

Ә яһүдләр, халыкның күплеген күреп, кѳнләштеләр һәм Паулның сүзләренә каршы яман телләнделәр.

3

Паул белән Барнаб анда шактый озак вакыт булдылар, Раббы турында тәвәккәллек белән вәгазьләделәр. Ә Раббы, Үзенең мәрхәмәте хакындагы хәбәрне раслап, аларның кулы белән галәмәтләр һәм могҗизалар кылды.

4

Шәһәрдәге халык икегә бүленде: бер ѳлеше яһүдләр ягында, икенчеләре рәсүлләр ягында булды.

5

Яһүд булмаганнар һәм яһүдләр, үзләренең башлыклары белән берлектә, аларга һѳҗүм итеп, ташлар атып үтерергә ниятләделәр.

6

Рәсүлләр бу хакта ишеткәч, Лукәүниягә качып киттеләр. Андагы Лустра, Дерби шәһәрләрендә һәм шул тирәдәге җирләрдә

7

халыкка Яхшы хәбәрне сѳйләүләрен дәвам иттеләр.

8

Лустра шәһәрендә аяклары йѳрми торган бер кеше бар иде. Ул кеше, тумыштан ук гарип булып, беркайчан да йѳри алмаган.

9

Ул да Паул сѳйләгән сүзләрне тыңлап утырды. Паул аңа туп-туры карады һәм, шифа алачагына гарипнең ышанычы булганын күреп:

10

– Аякларыңа туры итеп бас, – дип кычкырып әйтте. Ул шундук сикереп торды һәм йѳри башлады.

11

Халык исә, Паулның нәрсә эшләгәнен күреп, лукәүния телендә: – Безнең яныбызга кеше кыяфәтендә илаһлар иңде, – дип кычкыра башладылар.

12

Барнабны грекларның илаһы Зевс дип, ә Паулны Гермес дип атадылар, чѳнки ул күбрәк сѳйли иде.

13

Шәһәр читенә урнашкан Зевс гыйбадәтханәсенең каһине исә, халык белән бергә, капка алдына үгезләр һәм чәчәк бәйләмнәре алып килеп, корбан китерергә теләде.

14

Рәсүлләр, бу хакта ишеткәч, ѳсләрендәге киемнәрен ертып тѳшереп, халык арасына йѳгереп керделәр һәм бар тавышларына:

15

– Сез нәрсә эшлисез? – дип кычкырдылар. – Без дә сезнең кебек үк кешеләр. Сезне бу файдасыз әйберләрдән арындыру, күкне, җирне, диңгезне һәм алардагы барлык нәрсәләрне яраткан тере Аллаһыга таба бору ѳчен без сезгә Яхшы хәбәр турында сѳйлибез.

16

Элегрәк Ул барлык халыкларга үз юллары белән барырга ирек бирде.

17

Әмма, яхшылыклар кылып, Үзен күрсәтеп торды: вакытында күкләрдән яңгыр яудырып һәм мул уңыш биреп, безне ризык белән тәэмин итте һәм йѳрәкләребезне куаныч белән тутырып торды.

18

Шулай дип әйтеп тә, алар кѳчкә-кѳчкә генә халыкны үзләренә корбан китермәскә күндерә алдылар.

19

Антиухеядән һәм Икүниун шәһәреннән килгән кайбер яһүдләр халыкны рәсүлләргә каршы котыртып, Паулны ташлар атып кыйнадылар һәм, үлде дип уйлап, аны шәһәр читенә чыгарып ташладылар.

20

Аның янына шәкертләр җыелгач, ул торды һәм шәһәргә китте. Икенче кѳнне Паул белән Барнаб Дерби шәһәренә юл тоттылар.

21

Ул шәһәрдә Яхшы хәбәрне вәгазьләп, шактый күпләрне шәкерт иткәннән соң, тагын Лустра, Икүниун һәм Антиухея шәһәрләре аша уздылар.

22

Шәкертләрнең күңелләрен дәртләндереп, иманда нык торырга ѳндәделәр. – Аллаһы Патшалыгына керү күп михнәтләр аша булачак, – диделәр.

23

Һәр бердәмлектә баш кешеләрне билгеләделәр һәм, ураза тотып дога кылганнан соң, аларны үзләре дә иман китергән Раббының кулларына тапшырдылар.

24

Шуннан соң алар, Писидия аша үтеп, Памфулия ѳлкәсенә килделәр.

25

Пергидә Аллаһы сүзен вәгазь иткәннән соң Атталея шәһәренә юнәлделәр.

26

Атталеядән, корабка утырып, Антиухеягә киттеләр. Паул белән Барнаб, үзләре әле генә тѳгәлләгән эшне башкару ѳчен, Аллаһының мәрхәмәтенә шушы шәһәрдә тапшырылган иделәр.

27

Алар Антиухеягә кайтып җиткәч, бердәмлекне җыеп, үзләре аша Аллаһының нәрсәләр эшләгәнен, Аның яһүд булмаган халыкларга иман ишеген ачканын – барысын да бәйнә-бәйнә сѳйләп бирделәр.

28

Паул белән Барнаб шәкертләр янында шактый озак вакытка калдылар.

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода