Адӕмы раз Мыл йӕхи чи атигъ кӕна, ууыл та Ӕз дӕр Мӕхи атигъ кӕндзынӕн Мӕ Уӕларвон Фыды раз.
Адӕймаджы Фырт рарвитдзӕн Йӕ зӕдты, ӕмӕ Йын Йӕ Паддзахадӕй ӕрӕмбырд кӕндзысты, тӕригъӕды ӕфтыд чи уыди ӕмӕ иннӕты дӕр тӕригъӕды чи ӕфтыдта, уыдоны иууылдӕр;
Ӕмӕ сӕ баппардзысты судзгӕ пецы. Уым уыдзӕни кӕуын ӕмӕ дӕндӕгты хъыс-хъыс.
Уӕд Йӕ галиу фарс чи ис, уыдонӕн та зӕгъдзӕн: „Ацӕут Мӕнӕй, ӕлгъыстытӕ, хӕйрӕгӕн ӕмӕ йӕ зӕдтӕн цӕттӕгонд цы мыггагмӕйы арт ис, уырдӕм.
Кӕд тухӕнтӕн фӕразӕм, уӕд Йемӕ паддзахиуӕг дӕр кӕндзыстӕм. Нӕхи Йыл куы атигъ кӕнӕм, уӕд ныл Уый дӕр Йӕхи атигъ кӕндзӕн.
Фӕлӕ Хуыцауы ӕвӕрд фидар бындур уӕддӕр ӕнӕфӕцудгӕ у, ӕмӕ йыл ис мыхуыр мӕнӕ ацы ныхӕстӕй: «Хицау зоны Йӕ адӕмы», стӕй: «Хицауы ном чидӕриддӕр ары, уый тӕригъӕды мауал ӕфтӕд».