Йесо зылдис ӕгас Галилейыл, адӕмӕн амыдта синагогӕты, хаста сӕм фарны уац Уӕларвон Паддзахады тыххӕй, дзӕбӕх кодта ӕппӕт рынчынты ӕмӕ ӕнӕфӕразонты.
Хатыдысты Йӕм, цӕмӕй сӕ бауадза уӕд та Йӕ пӕлӕзы коцорайыл бандзӕвын; ӕмӕ-иу чидӕриддӕр бандзӕвыд, уыдон-иу сдзӕбӕх сты.
Туг уайтӕккӕ банцад йӕ цӕуынӕй, ӕмӕ сылгоймаг буарӕй банкъардта, йӕ низӕй кӕй сдзӕбӕх, уый.
Йесо йын загъта: «Мӕ чызг, дӕ уырнындзинад дӕ фервӕзын кодта. Цу фарнимӕ ӕмӕ ӕнӕниз у».
Кӕдӕмфӕнды ма ӕрцыдаид Йесо, хъӕутӕм кӕнӕ сахартӕм, рынчынты-иу ӕрӕвӕрдтой фӕзты, хатыдысты Йӕм, цӕмӕй сӕ бауадза уӕд та Йӕ пӕлӕзы коцорайыл бандзӕвын; ӕмӕ-иу Ыл чидӕриддӕр бандзӕвыд, уыдон-иу сдзӕбӕх сты.
Ӕрцыдысты Вифсаидӕмӕ. Йесомӕ ӕркодтой куырмы ӕмӕ Дзы куырдтой, цӕмӕй йыл бандзӕва.