Ӕппынфӕстаг Йесо фӕзынд иуӕндӕс ахуыргӕнинагмӕ, фынгыл куы бадтысты, уӕд. Ӕмӕ сын уайдзӕф кодта, уырнындзинад сӕм кӕй нӕ уыди, сӕ зӕрдӕтӕ ӕхгӕд кӕй разындысты ӕмӕ, Йӕ райгасы фӕстӕ Йӕ чи федта, уыдоныл кӕй нӕ баууӕндыдысты, уый тыххӕй.
Уыцы бон изӕрӕй, къуырийы фыццаг бон, ахуыргӕнинӕгтӕ уыдысты иумӕ. Иудейтӕй кӕй тарстысты, уый тыххӕй сӕхгӕдтой дуӕрттӕ. Уыцы рӕстӕг уатмӕ бацыд Йесо, ӕрлӕууыд сӕ разы ӕмӕ загъта: «Фӕрнджын ут!»
Йесо куы ӕрцыд, уӕд дыууадӕсӕй иу, Фома, фӕсномыгӕй Фаззон, семӕ нӕ уыд.
Сеппӕт дӕр иудадзыг куывтой ӕнувыдӕй ӕмӕ ӕмзӕрдӕйӕ; семӕ ма уыдысты сылгоймӕгтӕ, стӕй Йесойы Мад Мариа ӕмӕ Йе 'фсымӕртӕ.